2022 jylǵy 23 qarashada Qoldau.kz saıtynda «Aqparattyq-esepke alý ortalyǵy» AQ platformasynda «Dostyq avto» ótkizý pýnktinde elektrondy kezek júıesin engizý boıynsha alǵashqy qanatqaqty joba iske qosyldy. Iske qosylǵan sátten bastap bul júıeni 4,2 myńnan astam paıdalanýshy paıdalandy, brondaýǵa baılanysty 28 myńnan astam operasııa jasaldy.
Elektrondy kezek júıesin qurýdyń maqsaty − kólik quraldarynyń, júkter men taýarlardyń ótkizý pýnktine kirý kezektiligin qalyptastyrý prosesiniń ashyqtyǵy men sıfrlandyrylýyn qamtamasyz etý, sondaı-aq eldiń tranzıttik-kóliktik jáne eksporttyq áleýetin arttyrý.
Júıeni QR QM «Aqparattyq-esepke alý ortalyǵy» AQ mamandary ázirledi. Bul júıe barynsha yńǵaıly. Júrgizýshi kórsetilgen portalda tirkelgennen keıin nemese mobıldi qosymsha arqyly jol júrý úshin bos kún men ýaqytty tańdaıdy. Bul rette júrgizýshi óz kezegi týraly SMS-habarlama alady.
Ýaqytsha shemamen jáne elektrondy kezekti engizý merzimderimen QR QM Memlekettik kirister komıtetiniń resmı ınternet-resýrstarynda (kgd.gov.kz) jáne veb-saıt CargoRuqsat.kz (CGR.qoldau.kz) tanysýǵa bolady.
Elektrondy kezek engiziletin ótkizý pýnktteriniń tizimi:
1) Temir-Baba (Mańǵystaý oblysy);
2) Nur Joly (Jetisý oblysy);
3) Tájen (Mańǵystaý oblysy);
4) Jibek Joly (Túrkistan oblysy);
5) Selınnyı (Túrkistan oblysy);
6) Syrdarııa (Túrkistan oblysy);
7) B. Qonysbaev (Túrkistan oblysy);
8) Maıqapshaǵaı (Shyǵys Qazaqstan oblysy);
9) Qaljat (Almaty oblysy);
10) Qazyǵurt (Túrkistan oblysy);
11) Atameken (Túrkistan oblysy);
12) Baqty (Abaı oblysy)
