«Ádette, atalǵan faktilerdi tekserý kóp ýaqyt pen resýrstardy qajet etedi. Oqıǵa ornyna polısııa, qutqarýshylar, kınologtar, órt sóndirýshiler, jedel járdem brıgadalary, jedel tergeý toptary barady. Kásiporyndardyń qalypty jumys rejimi buzylady. Bul kúsh pen quraldardyń aıtarlyqtaı aýytqýyna ákeledi, tekseriletin kommersııalyq kásiporyndar mıllıondaǵan shyǵynǵa ushyraıdy, terrolyq shabýyl týraly jalǵan habarlamalar adamdardy evakýasııalaý kezinde dúrbeleń men qurbandyqqa ákelýi múmkin. Quqyq qorǵaý jáne arnaıy organdar osyndaı anonımdi habarlamalardyń avtorlaryn anyqtaý boıynsha sharalar qabyldaıdy», delingen vedomstvo habarlamasynda.
2022 jyly terrorızm aktileri boıynsha jalǵan aqparat taratqan 25 adam jaýapkershilikke tartyldy.
Máselen, 2022 jylǵy shildede Qostanaı oblysynyń turǵyny óz kórshisinen kek alý maqsatynda elektrondyq poshtasyn buzyp, onyń atynan Astana jáne Almaty qalalarynyń 13 nysandaryna (saýda ortalyqtary, áýejaılar, bankter jáne t.b.) terrorızm aktisi týraly kórineý jalǵan habarlama jibergen úshin 1 jyl 6 aıǵa bas bostandyǵynan aıyryldy.
Almaty oblysynda qurdastarymen bástesip elektrondy poshta arqyly 3 mektepti mınalaý týraly habarlama jibergen 13 jasar bala anyqtalyp, polısııaǵa jetkizildi.
Kámeletke tolmaǵan balany tárbıeleý jónindegi mindetin oryndamaǵan úshin oqýshynyń ata-anasy jaýapkershilikke tartyldy.
Aıta ketsek, quqyqtyq tártipti qorǵaý organdarynda qylmystyq jaýapkershilikke tartý úshin osyndaı quqyq buzýshylardy jedel anyqtaý praktıkalyq tájirbıesi bar.
«Tájirıbe kórsetkendeı, qylmyskerler tek el ishinde ǵana emes, odan tys jerlerde de áreket etedi. Jedel ózara is-qımyl maqsatynda shet memlekettermen ınternet-keńistiktegi anonımdi habarlamalardyń avtorlaryna qatysty derekter almasý boıynsha Qazaqstannyń Bas prokýratýrasy Býdapesht konvensııasyna («Kompıýterlik qylmystar týraly») qosylý maqsatynda jumys júrgizip jatyr. Sondaı-aq Bas prokýratýra múddeli memlekettik organdarmen birlesip kórineý jalǵan terrorızm boıynsha qylmystyq jaýaptylyqty kúsheıtý jáne quqyq buzýshylyqtyń osy túrin «aýyr» sanatyna jatqyzý (7 jylǵa deıin bas bostandyǵynan aıyrý merzimi) týraly máseleni pysyqtap otyr», delingen Bas prokýratýra habarlamasynda.
