«Qazaq baspasózi memlekettiń qoldaýyna zárý ekendigi kesheden beri aıtylyp jatyr. О́ıtkeni eldigimizdi saqtap qalatyn, sapaly, boıynda ulttyq rýhy bar, qazaq ádebıeti men mádenıetinen habary bar urpaq qalsyn desek qazaq jýrnalıstıkasyna oń kózben qaraý qajet. Sebebi ulttyń, jerdiń, eldiń, til men dildiń máselesin tek qazaq baspasózi, qazaq jýrnalıstıkasy qozǵap keledi», dedi D.О́teǵalıev.
Onyń aıtýynsha, qazaq jýrnalıstıkasynda túrli salalarǵa beıimdelgen jýrnalıster joqtyń qasy. Al óńirdegi redaksııalar múldem maman tappaı, qınalyp otyr. Qazaq tildi jýrnalıster arasynda ekonomıkanyń jiligin shaǵyp, tarıhtyń qoınaýyn aqtaryp, zańnyń babyna boılap beretinder az.
«Biz osyǵan deıin jýrnalıstıka ámbebap mamandyq degen uǵymdy ustanyp keldik. Jýrnalıstıka mindeti – «habar taratý» degen túsinik búginde merzimdi baspasózde júrmeıdi. Búgingi baspasóz salmaqty, salıqaly saraptamaǵa negizdelýi tıis. Al, mundaı saraptamany salany jetik meńgergen maman ǵana jasaı alady. Bir salaǵa beıimdelgen jýrnalısterden utarymyz kóp. Bul jolǵa qoıylsa aýdıtorııaǵa sapaly aqparat usynatyn jýrnalıster qatary paıda bolar edi», dedi «ZAŃ» medıa-korporasııasynyń dırektory.
Dosymbek О́teǵalıevtiń aıtýynsha, jýrnalıstıka fakýlteti, birinshi kezekte, sala boıynsha bilim berýge den qoıý kerek. Tórt jyl boıy jýrnalıstıka tarıhyn ǵana oqytyp qana qoımaı, ekinshi kýrstan soń shákirtterdiń qyzyǵýshylyǵyn arttyryp, ıkemine qaraı beıimdep, ózge fakýltettermen tyǵyz baılanysta bilim berý qarastyrylýy qajet.
«Biz merzimdi baspasóz - jańalyq berýden jar salmaımyz. Sondyqtan ár mamandyqtan habary bar sapaly jýrnalısterdiń saraptamasyna bás tigiýmiz qajet jep oılaımyn. О́ıtkeni bir salany jetik meńgergen maman búgingi BAQ-tyń baǵy bolary anyq», dep qorytyndylady sózin Dosymbek О́teǵalıev.
