Qazaqstan • 28 Qańtar, 2023

Qazaqstan-Qytaı shekarasynda elektrondy kezek engizildi

170 ret kórsetildi

Memlekettik shekara arqyly júk kólik quraldarynyń ótýin yńǵaıly etý jáne sıfrlandyrý úshin Memlekettik kirister komıteti «Nur Joly» ótkizý beketinde  2022 jylǵy 10 naýryzynan bastap 31 jeltoqsanyna deıin «E-border.kz» platformasy bazasynda elektrondy kezekti engizý jónindegi qanatqaqty jobasyn júzege asyrdy, dep habarlaıdy Egemen.kz.

Búginde «Nur Joly» ótkizý beketinde Qoldau.kz saıtyndaǵy Qarjy mınıstrliginiń «Aqparattyq-esepteý ortalyǵy» AQ platformasynda elektrondy kezek júıesi iske qosylǵan. Bul júıeniń ózge memlekettik organdardyń aqparattyq júıelermen 15 ıntegrasııasy bar, bul kezek alý kezinde oryn alýy múmkin túrli aıla-sharǵylardy boldyrmaýǵa múmkindik beredi.

Qazirgi tańda «Qoldau.kz» júıesine buǵan deıin «E-border.kz» arqyly alynǵan shamamen 19 803 kólik kezegin kóshirý júzege asyryldy.

«E-border.kz» servısindegi brondalǵan kezekter sanynyń aıtarlyqtaı kóptigine baılanysty, sonymen birge ótkizý beketindegi ótkizý múmkindigin eskere otyryp, memlekettik organdar buǵan deıin berilgen kezekterdiń jaramdylyq merzimin arttyryp, esesine kelesideı úlestirý mehanızmin engizý týraly sheshim shyǵardy.

2023 jyldyń 31 qańtary men 1 naýryzy aralyǵynda – «Qoldau.kz» platformasynda 70 kólik «E-Border.kz» arqyly alynǵan eski kezekpen ótedi, tez buzylatyn taýarlar tıelgen, eksporttyq nemese gabarıtti júkter jáne elektrondy kezektiń Ýaqytsha ótkizý syzbasyna saı keletin ózge de kategorııaǵa jatatyn 30 kólik ótkizilmek.

2023 jyldyń 1 naýryzynan keıin bul araqatynas ózgertilip, bekettiń ótkizý múmkindigi arta túsedi. Bul eski kezektegi 70 jáne odan da kóp avtokólik («E-Border.kz»), 30 avtokólik – kezekten tys tártip boıynsha ótedi, taǵy 30 jáne odan da kóp kólik jańa «CarGoRuqsat» kezek alǵan kólikter. Bundaı araqatynasty júıe QHR men QR ótkizý beketteriniń ótkizý múmkindigine saı «E-Border.kz» servısindegi barlyq kezek aıaqtalǵansha  túzetip otyrady.

Usynylyp otyrǵan syzba barlyq taraptyń, ıaǵnı kezekti retteýdiń tıimdi quraldaryn engizý boıynsha memlekettiń de, syrtqy saýda qyzmetiniń buǵan deıin kezek alyp qoıǵandar jáne endi kezek alýǵa nıettenip júrgen qatysýshylarynyń da múddesin kózdeıdi.

Erejelerge saı, jańa  «CarGoRuqsat» servısinde kólikterdi tirkeý atalǵan kólik quraly boıynsha qoldanystaǵy bron bolmaǵan jaǵdaıda, naqty aıtqanda «E-border.kz» tiziminde bolmaǵan jaǵdaıda múmkin bolmaq.

«Tasymaldaýshylar men kólik quraldarynyń júrgizýshilerin óz baǵytyn aldyn ala josparlap, ótkizý beketine belgilengen kúni «CarGoRuqsat» qosymshasynda jarııalanatyn tizilimdegi kezektiń qozǵalysyn esepke ala otyryp josparlaýdy suraımyz. Jarııa tizilimde belgilengen kúni kólik kelmegen jaǵdaıda kezektiń kúshi joıylyp, júrgizýshiler brondaý prosedýrasyn qaıta júzege asyrýǵa tıis bolady», delingen Memlekettik kirister komıtetiniń baspasóz qyzmeti taratqan habarlamada.

Jańa «CarGoRuqsat» servısi tasymaldaýshylarǵa óz saparyn josparlap, durys baǵyt jasap, kólik kezegi anaǵurlym az avtomobıl ótkizý beketterin tańdaýǵa múmkindik beredi.

Uqsas jańalyqtar