Reseı Federasııasynyń Premer-mınıstri Mıhaıl Mıshýstın Eýrazııalyq úkimetaralyq keńestiń keńeıtilgen otyrysyna jáne jyl saıynǵy halyqaralyq sıfrlandyrý forýmyna qatysty, dep jazady Egemen.kz.
Forýmnyń ekinshi kúni Qazaqstannyń Premer-mınıstri Álıhan Smaıylovtyń quttyqtaý sózimen bastaldy. QR Premer-mınıstri Álıhan Smaıylov kommýnıkasııalardyń qoljetimdiligin arttyrý úshin EAEO elderindegi radıojıilik spektrin sınhrondaýdy usyndy.
«Baılanystyń qoljetimdiligi men sapasyn arttyrý erekshe mańyzǵa ıe. Búginde Qazaqstanda 250-den astam turǵyny bar eldi mekender keń jolaqty ınternetpen qamtylǵan. Qalǵandarynda radıorelelik jeliler men tómen orbıtalyq spýtnıkti paıdalanatyn bolamyz. Bizdiń elder úshin radıojıilik spektrin sınhrondaý qajet dep sanaımyn», dedi Álıhan Smaıylov juma kúni «Sıfrlyq Almaty» forýmynda EAEO elderi úkimet basshylarynyń qatysýymen ótken plenarlyq otyrysta.
Sondaı-aq Smaıylov Qazaqstannyń EAEO-daǵy áriptesterimen sıfrlyq ınfraqurylymdy damytýǵa ınvestısııa tartý boıynsha jumys isteýge daıyn ekenin qosty.
«Bul aımaqtaǵy barlyq elder úshin jańa múmkindikter ashady. Nátıjesinde bizdiń elder halyqaralyq dálizdermen jáne transshekaralyq aǵyndarmen joǵary jyldamdyqty derekterdi berý arnalaryn qura alady», dep qosty Premer-mınıstr.
Odan keıingi sóz kezegi Armenııa Premer-mınıstri Nıkol Pashınıanǵa berildi.
Qyrǵyz Respýblıkasynyń Premer-mınıstri Aqylbek Japarov ýaqyt ótken saıyn sıfrlyq táýelsizdik máselesi ózekti bola túsetinin, fın-teh tilin meńgergenderdiń bási basym bolatynyn aıtty.
Búgingi jıyn EAEO múshe elderdiń Premer-mınıstrleri, kórnekti saıası jáne qoǵam qaıratkerleri, iri sıfrlyq kompanııalardyń basshylary, IT-bıznes kóshbasshylary men sıfrlyq sala sarapshylarynyń qatysýymen ótip jatyr.
Keshe Reseı Premer-mınıstri EAEO keńistigindegi yntymaqtastyqtyń ózekti máseleleri talqylanyp, birneshe ekijaqty kezdesýler ótkizgen bolatyn.
Atap aıtqanda, ol Qazaqstan Premer-mınıstri Álıhan Smaıylovpen kezdesip, eki el arasyndaǵy qarym-qatynasty nyǵaıtý Máskeý úshin absolıýtti basymdyq ekenin atap ótti.
Memleket basshysy Rejep Taııp Erdoǵandy ulyqtaý rásimine qatysady
Prezıdent • Búgin, 19:13
Vladımır Kım men Edýard Ogaı «Elbasy qorynyń» aksııasyn satyp aldy
Qoǵam • Búgin, 18:50
Prezıdent «Kerýen-Medicus» klınıkasynyń jańa korpýsyn aralap kórdi
Prezıdent • Búgin, 18:36
Amanattyqtar erekshe balalardy merekemen quttyqtady
Balalar • Búgin, 18:20
Qazaqstan azamattary eGov arqyly óz atyna nesıe alýǵa tyıym sala alady
Qazaqstan • Búgin, 18:00
Bilim • Búgin, 17:45
Uqsas jańalyqtar
Onlaın 
