Abyroı bolǵanda, áıeldi patrýldik-postylyq qyzmette júrgen Ulttyq ulannyń 6637 áskerı bóliminiń áskerı qyzmetshileri baıqap qalǵan. Olar aýmaqty dereý qorshap, azamatshany qutqarý úshin jedel sharalar qabyldaǵan.
«Biz kóshede qyzmette júrip, turǵyn úıdiń 3 qabatynan sekirmek bolǵan azamatshanyń is-áreketi týraly habardar boldyq. Men bul týraly dereý áskerı jasaq kezekshisine habarladym. 102-ge qońyraý shalyp, ýaqytty sozý maqsatynda ony sekirý týraly oıynan aınytýǵa tyrysyp, kelisimge keldik. Osy kezde jubaıy ony páterge kirgizip úlgerdi», dedi patrýldik toptyń bastyǵy qatardaǵy jaýynger Ivan Shalavın.
Oqıǵa barysynda áıel adam eshqandaı zardap shekken joq. Búginde oqıǵanyń saldary men sebepteri anyqtalýda.
