Úkimettiń kezekti otyrysynda ol mınıstrlerge memleket qomaqty qarajat bóletin úılerdiń sýretterin kórsetti.
«Men mundaı úıler salynǵan óńirlerdiń atyn atamaımyn. Biraq bir nárseni naqty aıta alamyn, barlyq jerde jaǵdaı osyndaı. Balalar oınaıtyn alańdarǵa, abattandyrýǵa, joldarǵa qarańyzdar. Bul qalypty jaǵdaı dep oılaısyzdar ma? Jergilikti ákimder bıýdjet qarajatyna salynǵan úılerge tekserý júrgizip, barlyq kemshilikterdi joıýǵa tıis. Muny tez arada jasaý kerek. Qurylys pen abattandyrýdyń sapasyn baqylaý qajet», dedi Álıhan Smaıylov.
Sondaı-aq Úkimet basshysy TKSh salasynda jedel jáne sapaly sheshimdi talap etetin kóptegen máseleler týyndaǵanyn sóz etti. Premer-mınıstr atap ótkendeı, abattandyrý máselesi tek óńirlerde ǵana emes, respýblıkalyq mańyzy bar qalalarda da ózekti bolyp otyr.
