Qoǵam • 08 Aqpan, 2023

Bes óńirdegi Prezıdent rezıdensııalary balalar ıgiligine beriledi

88 ret kórsetildi

Prezıdenttiń Qostanaı, Aqtaý, Taraz, Atyraý jáne Aqtóbedegi rezıdensııalary balalardyń ıgiligine beriledi. Aqparatty oblys ákimdikteri rastady, dep habarlaıdy Egemen.kz.

Buǵan deıin jelide Memleket basshysynyń bes qaladaǵy rezıdensııalary balalardyń ıgiligine beriletini týraly aqparat paıda boldy, al jergilikti ákimdikter bul ǵımarattardy balabaqsha ne saýyqtyrý ortalyqtary ne balalarǵa arnalǵan basqa da ortalyqtar retinde padalanatynyn ózderi sheshedi.

«Memleket basshysynyń tapsyrmasy oryndalady. Qazirgi ýaqytta berý mehanızmi jáne ǵımaratty maqsatty paıdalaný máselesi pysyqtalyp jatyr. Sheshimdi qosymsha habarlaımyz», dep habarlady Qostanaı oblysynyń ákimdigi.

Sonymen birge Mańǵystaý oblysy men Atyraý oblysy  ákimdiginiń  baspasóz qyzmetteri bul aqparatty rastap, osy másele boıynsha jumys bastalatynyn habardar etti.
 
Aqtóbe oblysy ákimi apparaty basshysynyń orynbasary Erjan Baıtanaevtyń aqparatyna qaraǵanda, bul ǵımarat bolashaqta balabaqsha, bilim berý ortalyǵy, lager nemese ońaltý ortalyǵy bolýy múmkin.

«Ári qaraı biz nysandy balalarǵa qajet nárseniń bárimen jabdyqtaımyz. Qysqa merzimde tapsyrmany oryndaımyz», dedi oblys ákimi apparaty basshysynyń orynbasary Erjan Baıtanaev.

Áli naqty sheshim shyqpasa da, Jambyl oblysy ákiminiń orynbasary Erkin Úısimbaevtyń sózinshe, Prezıdent rezıdensııasy múgedek balalarǵa arnalǵan sanatorıı nemese jazǵy lager retinde paıdalanylady.

 

 
Gúlshahra SANSYZBAI

Uqsas jańalyqtar