Álem chempıony atanǵan soń, Qazaqstan atynan resmı jarystarǵa qatyspaǵan Nora Astanada baq synaıdy. Osyǵan oraı, ol jankúıerlerge qazaqsha sóıledi. Atalǵan vıdeo Qazaqstan jeńil atletıka federasııasynyń resmı paraqshasynda jarııalandy. «Sálem! Men - Nora. Qazaqtyń qara qyzy. Kel, halqym, qolda», dedi elimizdiń kók týyn jamylǵan jelaıaq.
Aıta keteıik, 10-12 aqpan aralyǵynda Astanada jeńil atletıkadan jabyq keshendegi Azııa chempıonaty ótedi. Aýqymdy sharaǵa 500-den asa sportshy qatyspaq. Nora Djerýto 2022 jyly AQSh-ta ótken álem chempıonatynda kedergiler arqyly 3000 metrge júgirýden álem chempıony atandy. Ol 2017 jyly Qazaqstan quramasyna Kenııadan aýysyp kelgen.
