Áke kórgen oq jonar

Ulttyq ulannyń 6506 áskerı bóliminde bir otbasynan eki birdeı azamat el tynyshtyǵyn qorǵaý jolynda áskerı qyzmet atqaryp júr. Olar áskerı bó­lim­niń artıllerııalyq-zenıttik dıvızıonynyń aǵa mamany starshına Nematjan Rejamatov pen onyń uly leıtenant Zýlfarjan Hadımatov.

Starshına Nematjan Reja­ma­tov shırek ǵasyrǵa jýyq ýaqyt 6506 áskerı bóliminiń avto­mobıldik parkinde qyzmet atqa­ryp keledi. Ol 1994-1996 jyl­dary Taraz qalasynda 5485 áskerı bóliminde merzimdik qyz­met atqardy. Alǵashqy qyzmet jolyn jedel maqsattaǵy batalon­­­da brondytehnıkanyń júr­gi­zý­shisi bolyp bastaıdy, odan avto­mobıl tehnıkasyn jóndeý sheberhanasynyń bastyǵy, keıin qaıta júrgizý­shilik qyzmetke aýy­sa­dy. Sodan beri áskerı bólimde júrgizýshi-nusqaýshy laýazymyn abyroı­men atqaryp kele jatqan be­del­di áskerı qyzmetshilerdiń qatarynda. Jalpy, áskerı júr­gizýshi – árqashan ámbebap maman, jeke quram tasymaldaıtyn kólikti de, brondalǵan aýyr tehnıkany da júrgizýmen qatar, onyń buzylǵan jerin jóndep qatarǵa qoıýǵa tıis. Áskerı ortada bul mamannyń ózine tán aýyrtpalyǵy da bar. Alaıda osy bir qyzmetti 25 jyldan asa ýaqyt tizgindep kele jatqan starshına Nematjan Rejamatovtyń áskerı bólimniń jaýyngerlik jolyndaǵy eń­begi de eren. Bólimniń tarı­hı joldarynyń kýási bol­ǵ­andyqtan, jaýyngerlerge úıreteri kóp, tájirıbesi mol áskerı qyzmetshilerdiń biri. Jasy 45-ti alqymdasa da, aýyr tehnıkanyń qulaǵynda oı­naı­tyn naǵyz kásibı maman ekenin alystan baıqaýǵa bolady. Avtomobıl parkindegi kez kelgen qyzmette júr­gen jas áske­rı qyzmetshilerge ula­ǵat­ty us­tazdan kem emes, bilge­ni­men bólisýden jalyqpaǵan.

Artıllerııalyq-zenıttik dı­vı­zıonynyń komandıri, maıor Juparbek Baqytjan: «Bul áskerı qyzmetshiniń men úshin orny bólek. «Kóp jasaǵannan surama, kópti kórgennen sura» dep aıtady ǵoı. О́ıtkeni ózge túgili ózim de ol kisiniń aqyl-keńesin tyńdaımyn. Dıvızıonda serjanttyq quram arasynda abyroıy men bedeli bólek, taǵylymdy tájirıbesi bar star­shı­nalardyń qatarynda. Jas­tarǵa úlgi bolar naǵyz eńbek adamy desem de bolady», deıdi.

Áskerı bólimde jylyna eki ret jasaqtalatyn jas júr­gizý­­shiler vzvodynyń sarbaz­daryna únemi jetekshilik etedi. Árbir sarbazdy tehnıka­lar­ǵa bekit­kende de úsh aı boıy oqytyp, daıarlaýǵa atsalys­qan starshına Nematjan Rejama­tovtyń keńesi aýadaı qajet.

Tuńǵysh uly leıtenant Zýlfarjan Hadımatov bolsa, ákeniń izinen alystamaı, koman­da­lyq taktıkalyq avtomobılmen qamtamasyz etý mamandyǵyn áskerı oqý ornynda joǵary bilim arqyly ıgerip shyqty. Ulttyq ulannyń akademııasynan jaqynda ǵana túlek bolyp ushqan jas ofı­­ser Zýlfarjan Hadımatov – búginde avtomobıldegi jedel maq­­sat­taǵy batalonda vzvod ko­man­­dıri.

Jas leıtenant: «Balalyq shaǵym ákemniń qyzmetinde, osy áskerı bólimniń qabyrǵasynda ótti desem de bolady. Mektepten bos ýaqytym bola qalsa, ákemmen birge áskerı bólimge kelýshi edim. Mundaǵy sarbazdar, olar­dyń atqa­ra­tyn qyzmetteri, ás­ke­rı kıim­deri maǵan óte tań­syq kórinetin. Ákemniń kóli­gine otyryp, sarbazdarmen birge júretinmin. Solarǵa ilese júrip áskerı tehnıkalardy jóndeýdi, onyń bólshekterin alyp-salýdy úırenip aldym. Sol kezden bastap-aq meniń bolashaqtaǵy mamandyǵymdy áskerı saladan basqada elestete almadym. Ásker salasyn­da mamandyq tańdaýymdy 11-sy­nypqa jaqyndaǵannan bas­tap ákeme aıta bastadym, alaıda alǵashynda qarsy bolǵanymen, keıin qoldaý bildirip, áskerı oqý ornyna túsýime kómegin aıamaı, qasymda júrdi. Osylaısha, mektepti aıaqtaǵan soń oılanbastan Ulttyq ulannyń akademııasyna oqýǵa tústim. Áskerı antymdy qabyldap bolǵan soń ákemniń: «Áskerı qyzmetke qyzy­ǵý­shylyq tanytyp, sheshim qabyl­dadyń, ózińe artylatyn júk­tiń salmaǵyn da sezin. Endi artqa qaıtýǵa kesh. О́mirińdi Otan qor­ǵaý­ǵa arnaǵan soń, ofıser degen ataqtyń abyroıy men bedeline nuqsan keltirýshi bolma!» degen sózi únemi sanamda saı­rap turdy», deıdi.

Starshına N.Rejamatovtyń ekinshi uly Zııatjan – medısına salasynda III kýrs stýdenti. Ol da dıplom alǵan soń áskerı medısına jolyna barýǵa qarsy emes­ti­gin aıtyp qaldy. Áske­rı qyz­metshilerdiń otbasy syı­lastyq, shydamdylyq, ózara senim men túsinistik ornaǵan senim­­di tyl men kishigirim odaq ekeni sózsiz. Ulttyq ulan qata­ryn­da qyzmet atqaryp júrgen ákeli-balaly áskerı qyzmet­shiler qa­shanda ózge áskerı qyzmet­shi­lerge úlken ónege.

Malıka ShYNJIGITOVA

Shymkent