Qazirgi ýaqytta Qazaqstan TJM qutqarýshylary izdeý-qutqarý jumystaryn jalǵastyryp jatyr.
Gazıantep qalasyna birinshi eshelonmen barǵan qutqarýshylar táýlik boıy eki aýysymda jumys istep jatyr.
Qutqarýshylardyń birinshi toby toǵyz qabatty ǵımaratta jumys júrgizip jatyr. Ǵımarat tolyǵymen qıraǵan. Bul jerde úıindilerdiń astynan 4 adam qutqaryldy, qaıtys bolǵan 8 adamnyń denesi shyǵaryldy.
Qutqarýshylardyń ekinshi toby alty qabatty ǵımaratta jumys júrgizip jatyr. Ǵımarat ishinara qıraǵan, apatty, qıraý dınamıkasy baıqalady, turaqsyz qurylymdarǵa baılanysty ǵımarattardyń tolyq qıraý qaýpi bar. Ǵımarattyń 2-qabatyna deıin ınjenerlik tehnıkany paıdalana otyryp, demontaj júrgizildi, úıindilerdiń arasynan adamdardy izdeý jumystary jalǵasyp otyr. Qaıtys bolǵan 19 adamnyń denesi shyǵaryldy.
Úshinshi top ta alty qabatty ǵımaratqa jumyldyryldy. Ǵımarat tolyǵymen qıraǵan. Úıindilerdiń arasynan qaıtys bolǵan 18 adamnyń denesi shyǵaryldy.
«Qazaqstann TJM ekinshi eshelonmen barǵan qutqarýshylar Túrkııaǵa kelgen sátten bastap Nýrdagy qalasynda izdeý-qutqarý jumystaryn táýlik boıy júrgizip jatyr. Tolyǵymen qıraǵan ǵımaratta qazaqstandyq qutqarýshylar adamdardyń ornalasqan jeri men jaı-kúıin anyqtaý, úıindiler astynda zardap shekkendermen aýdıo baılanys ornatý, qajetti kómektiń kólemi men sıpatyn anyqtaý boıynsha jumystaryn júrgizdi. Qazaqstandyq qutqarýshylardyń úlken tereńdiktegi úıindilerdiń astynan zardap shekkenderdi evakýasııalaý úshin jol ashý jumystaryn oryndap, jedel jáne saýatty is-qımyldyń, sondaı-aq zardap shekkenderdi bloktan shyǵarý boıynsha ýaqtyly qabyldanǵan sharalardyń nátıjesinde kólemi 18 myń tekshe metrden astam úıindiniń astynan úsh tiri adamdy - er adam men eki áıeldi shyǵarýǵa múmkindik týdy. Adamdar dereý medısınalyq qyzmetterine jetkizildi. Qaıtys bolǵan 4 adamnyń denesi shyǵaryldy. Zardap shekken adamdardy izdeýge tehnıkalyq quraldar, al úıindilerdi bólshekteýge ınjenerlik tehnıka paıdalandy. Úıindilerdiń arasynan adamdardy izdeý jumystary jalǵasyp jatyr», dep jazylǵan habarlamada.
