Búgin Memleket basshysy Aqmola oblysyna jumys sapary barysynda Kókshetaý qalasyndaǵy Qazaqstan Respýblıkasy Tótenshe jaǵdaılar mınıstrliginiń M.Ǵabdýllın atyndaǵy Azamattyq qorǵaý akademııasyna baryp, kýrsanttarmen áńgimelesti.
«Azamattyq qorǵaý júıesi turaqty jańǵyrtýdy qajet etedi. Búgingi tańda ozyq álemdik tájirıbeni qabyldap, zamanaýı tehnologııalardy engizý óte mańyzdy. Qutqarýshylardy sapaly daıyndaýǵa erekshe nazar aýdarý kerek. Bul máselede, árıne, komandırler men ustazdar basty ról atqarady. Bul rette oqý jaǵdaılarynyń mańyzy zor. Meniń tapsyrmam boıynsha Úkimet Akademııanyń materıaldyq-tehnıkalyq bazasyn nyǵaıtý boıynsha jumys júrgizilip jatyr. Jalpy memleket qutqarýshylardyń eńbekaqysyn arttyrý jáne áleýmettik qamsyzdandyrýdy jaqsartý boıynsha júıeli sharalar qabyldap jatyr», dedi Qasym-Jomart Toqaev.
Prezıdenttiń tapsyrmasy boıynsha 2023 jyly qutqarýshylardyń jalaqysyn 10 paıyzdan 70 paıyzǵa deıin arttyrý qarastyrylǵan.
