«Respublika» kandıdattary naqtylandy

Jalpy, «Respublica» partııasy al­da­ǵy Májilis saılaýyna 29 adam­nyń kandıdatýrasyn usynǵan edi. Alaıda tizimnen 6 adam shyǵaryldy. OSK saılaýǵa atalǵan partııanyń 23 kandıdatyn tirkedi. Onyń 8-i – áıelder, jastar jáne múmkindigi shek­teýli jandar. Osylaısha, par­tııalyq tizimge mindettelgen toptyń talaptaryn «Respublica» 34,8 paıyz kórsetkishpen oryndap otyr.  

– Ortalyq saılaý komıssııasy ókiletti memlekettik organdarmen birlesip, Májilis depýtaty bolyp saılaný úshin partııalyq tizimge engizilgen adamdardyń Konstıtýsııa men «Saılaý týraly» Konstıtýsııalyq zańnyń talaptaryna sáıkestigine tekserý júrgizdi. Sonymen qatar Ortalyq saılaý komıssııasynda eki kandıdattyń partııalyq tiziminen óz erkimen shyǵarý týraly ótinishi resmı túrde tirkeldi. Darhan Serikuly Imanashevtyń 2023 jyly 10 aqpandaǵy ótinishi 14 aqpanda kelip tústi. Sondaı-aq Oljas Abazuly Sultanovtyń 11 aqpandaǵy ótinishi Ortalyq saılaý komıssııasyna 14 aqpanda tústi. «Saılaý týraly» Konstıtýsııalyq zańnyń 90-babynyń 1-tarmaǵyna sáıkes «Respublica» partııasy qoǵamdyq birlestiginiń partııalyq tiziminen olardyń ótinishimen Darhan Serikuly Imanashevty, Oljas Abazuly Sultanovty shyǵarý bo­ıynsha OSK óz quzyreti sheńberin­de tıisti sheshimder jobasyn da­ıyn­dady. Osyny eskere otyryp par­tııa­lyq tizimge 23 adam tirkeldi», – dedi OSK múshesi Shavkat О́temisov.

Eske salsaq, osyǵan deıin «Respublica» partııasy tizimnen 4 adam­dy alyp tastaǵan edi. Olar­dyń arasynda bir mandatty júıe bo­ıynsha usynylǵan kandı­dat, par­tııanyń teń tóraǵalary­nyń biri Syrymbek Taý bar. Kandıdat­tar­dyń saılaýǵa qatysýdan bas tartý­lary eshqandaı da saıası jaǵ­daı emes, olardyń jeke basy­nyń máselelerine baılanysty ekenin atap ótti «Respublica» partııa­synyń tóraǵasy Aıdarbek Hojanazarov. Al partııa múshesi, kásipker Syrymbek Taý «Aǵaıyn, barlyq jyly lebiz ben qoldaýǵa alǵys aıtamyn. Maǵan kezdesken ár­bir qolaısyzdyq meni kelesi qadam­ǵa qamshylaıdy! Men saılaý­dan shet­tetilsem de, «Respublica» par­tııa­synan ketpeımin», dep málimdedi.

Sondaı-aq «Respublica» par­tııa­sy árbir kandıdaty úshin saılaý jarnasyn tóleýge mindetteldi.

– «Respublica» partııasy osy­ǵan deıin ótken Májilis saılaýyna qatys­pady, osyǵan oraı «Saılaý týra­ly» Konstıtýsııalyq zańnyń 89-ba­byna sáıkes partııa tizimin tir­keý úshin OSK shotyna saılaý jar­­na­­syn engizýge tıis. Jarna soma­sy t­izim­­degi árbir azamat úshin eń tó­men­gi jalaqynyń 15 esele­gen mól­­sherin quraıdy. Qazir «Respub­lica» par­­tııasy saılaý jarnasyn to­lyq kólem­de tóledi, – dedi Shavkat О́temisov.