Naqty málimetke sáıkes, aýstralııalyq 59 jastaǵy er adam el astanasy Nýmea qalasynyń jaǵajaıynan 150 metr jerde qalqymaly kópir mańynda júzip júrgen ýaqytta akýlanyń shabýylyna ushyraǵan. Birshama ýaqyttan soń ony osy mańaıda júrgen eki týrıst katerge kóterip, jaǵajaıǵa jetkizgen. Qutqarý qyzmeti er adamǵa alǵashqy kómek kórsetken, alaıda onyń eki qoly men eki aıaǵy qatty jaralanyp, kóp qan joǵaltqanyna baılanysty sol jerde jan tapsyrǵan.
Qaýipsizdik maqsatynda Nýmea meri Sonıa Lagard oqıǵa bolǵan aımaqtaǵy jaǵajaılardy japqan jáne jolbarys jáne buqa akýlalaryn ustaýǵa buıryq bergen. Polısııa máilimetinshe, teńiz jyrtqyshtaryn ustaýǵa ushqyshsyz ushý aparattary jumyldyrylǵan, sonyń arqasynda eki akýlanyń qaı aımaqta júrgeni belgili bolǵan. Prokýror málimetinshe, er adamnyń ólimine qatysty tergeý sharalary bastaldy, endi qutqarýshylardyń jyrtqyshty nege baıqamaǵany tekserilip jatyr.
Turǵyndardyń aıtýynsha, bul birinshi jaǵdaı emes. Bir aı buryn 49 jastaǵy er adam Shato-Roıal jaǵajaıynda akýla shabýylynan zardap shekken. Taǵy birneshe kúnnen keıin akýla serferge shabýyldaǵan, abyroı bolǵanda oǵan esh zııan kelmegen.
