«Altyn belgilerin» abyroımen qorǵady

О́ńirdiń eki iri qalasy – О́skemen men Semeıde «Altyn belgige» ıe bolǵan mektep bitirýshi túlekterdi marapattaý saltanaty ótti. Bıyl oblys ortalyǵynyń mektepterinen 37 oqýshy «Altyn belgi» ıegeri atansa, óńirdiń mádenı orta­lyǵy sanalatyn Semeıde 24 oqýshy «Altyn belgige» qol jetkizdi. Qos qalada joǵary dárejede ótken saltanatty keshte «Altyn belgi» ıegerleri men pándik olımpıada jeńimpazdaryna qurmet kórsetilip, baǵaly syılyqtar tapsyryldy. Jas túlekter qoshtasý valsin bılep, on jyl birge oqyǵan qurbylary men ustazdaryna degen qımastyq sezimderimen bólisti. – О́tken jyly bizdiń ob­lystyń mektep bitirý­shileri­niń 42-si úzdik attestat alsa, osy jyly 65-ke jetip otyr. О́skemenniń ózinde 19 oqýshy halyqaralyq olımpıadalardyń jeńimpazy atandy. Bul – Shyǵys Qazaqstan oblysyndaǵy bilim sapasynyń jyldan-jylǵa jaqsaryp kele jatqanynyń aıǵaǵy. О́ńirimizde jańa mektepter salynyp, bilim berý ınfraqurylymdary damyp keledi, – dedi oblys ákiminiń orynbasary Jaqsylyq Omar. Bıyl Semeı qalasy boıynsha 2163 oqýshy mekteppen qoshtasty. Olardyń ishinde 24 túlek mektepti«Altyn bel­gimen», 16 túlek úzdik attestat­pen támamdady. UBT nátı­jesi boıynsha, 220 oqýshy 100 baldan joǵary jınady. 31 oqýshy halyqaralyq olımpıadalar men baıqaýlardan jeńimpaz bolyp, tańdaýly joǵary oqý oryndaryna granttar utyp aldy. Dýman ANASh, «Egemen Qazaqstan». Shyǵys Qazaqstan oblysy.