Astana qalasynyń Densaýlyq saqtaý basqarmasyna «Optıkonevromıelıt» (Devık aýrýy) sırek kezdesetin 3 emdelýshige arnalǵan «Rıtýksımab» dárisi jetkizildi. Naýqastarǵa 1,8 mln teńge somasyna dáriniń 7 qutysy satyp alyndy.
Devık aýrýy - kórý nervteriniń zaqymdanýymen jáne julynnyń buzylýymen sıpattalatyn dert.
Dári-dármekter qalalyq basqarmanyń ótinimi boıynsha satyp alyndy. «Rıtýksımabty» satyp alý týraly ótinimdi Orfandyq aýrýlar jónindegi saraptama komıteti qarap, qor basqarmasynda bekitildi. Sodan keıin jetkizýshini izdeý jumystary bastaldy. Qor otandyq jáne sheteldik óndirýshige júgindi. Jetkizýshilermen júrgizilgen kelissózderdiń, sondaı-aq kelisý rásimderiniń qorytyndysy boıynsha Qaraǵandy farmasevtıkalyq keshenimen shart jasaldy.
Basqarmanyń málimetinshe, naýqastar qajetti tekserýden ótken soń satyp alynǵan dári-dármek terapııasymen emdele bastaıdy.
