О́ńir boıynsha sapar Semeı qalasyndaǵy Iаdrolyq medısına jáne onkologııa ortalyǵyna barýdan bastaldy. Ortalyq radıofarmasevtıkalyq preparattardy óndirýden bastap radıonýklıdti dıagnostıka men terapııaǵa deıingi tolyq sıkldy qamtıdy. Bul Qazaqstandaǵy alǵashqy Radıonýklıdtik terapııa bólimshesi. Radıofarmasevtıkalyq preparattardy qoldaný emdelýshilerge shetelge shyqpaı-aq ishki em alýǵa múmkindik berdi.
Bul rette ortalyqqa zamanaýı mamandandyrylǵan tehnologııalyq jabdyqtardy ornalastyrý, materıaldyq-tehnıkalyq bazany jańartý úshin jańa hırýrgııalyq korpýs qajet. Bul másele Densaýlyq saqtaý mınıstrliginiń jumys josparyna engizilgen.
Sondaı-aq Premer-mınıstrdiń orynbasary 150 oryndyq múgedekterdi ońaltý ortalyǵymen tanysty. Mekeme Memleket basshysynyń tapsyrmasymen salynǵan. Ortalyqta ońaltýdy qajet etetin múmkindigi shekteýli jandarǵa jaǵdaı jasalǵan.
Oblysty damytýdyń keshendi josparyna sáıkes Semeı jáne Aıagóz qalalarynda taǵy eki ońaltý ortalyǵy, eki emhana, kópsalaly balalar aýrýhanasy, sondaı-aq «Jaıly mektep» baǵdarlamasy aıasynda 10 myńnan astam oqýshyǵa arnalǵan 11 mektep salynady dep kútilýde.
Sonymen qatar 2023-2024 jyldarǵa arnalǵan Aýyldyq densaýlyq saqtaý salasyn jańǵyrtýdyń Ulttyq pılottyq jobasy aıasynda Abaı oblysynda 65 densaýlyq saqtaý nysanyn salý josparlanǵan.
«Aýyl amanaty» aýqymdy baǵdarlamasy aýyl turǵyndary úshin ıgi bastama. О́ńirdiń agrarlyq áleýetin eskersek, aýyl turǵyndarynyń suranysqa ıe ónimderdi óndirip, óz isin damytýǵa zor múmkindigi bar», dedi A. Kólginov.
Vıse-premerdiń oblysqa sapary kúrdeli jóndeý men jańǵyrtýdy qajet etetin sol jaǵalaýdaǵy jedel járdem qosalqy stansasyna barýmen, sonymen qatar M. Áýezov atyndaǵy pedagogıkalyq kolledjdegi oqytýshylardy daıarlaý barysymen tanysýmen aıaqtaldy.
