Nıeti oń Nıderland ınvestısııa kólemin arttyrmaq

Nıderland koroldigi Qazaq­stannyń eń iri saýda serik­tes­teriniń bestigine kiredi. Ko­rol­dik quıǵan ınvestısııa kólemi qazir 100 mlrd dollardan asty. Syrtqy ister mınıstrliginiń habarlaýynsha, Naldveık qala­sy­nyń «World Horti Center» halyqaralyq baý-baqsha orta­ly­ǵynda resmı tulǵalar men bıznes qoǵamdastyq ókilderi eki eldiń ın­ves­tısııalyq jobalaryn talqylaǵan. Osy is-shara aıa­synda el mamandary «MJ Tech» kompanııasynyń basshysy Iýrıan Van Den Bremormen kez­de­sip, oljaly qaıtqan.

– Qazaqstannyń strategııalyq or­nala­sýynyń qolaılylyǵyn eskere oty­ryp, kórshi elder úshin hab bola alatynyn jetkizgim keledi. Sondaı-aq baý-baqsha, aýyl sharýashylyǵy jáne basqa da salalarda qoldanylatyn jo­ǵa­ry qysymdy tumandandyrý júıelerin óndirý jónindegi ke­lesi halyqaralyq joba Qazaq­standa ornalasýy múmkin, – dep qyzyǵýshylyq tanytty Iýrıan Van Den Bremor.

Aıtpaqshy, «MJ-Tech» otba­sy­lyq kompanııasy – baý-baq­sha, aýyl sharýa­shy­lyǵy jáne ónerkásipte qoldanylatyn joǵa­ry qysymdy ylǵaldandyrý jú­ıe­­lerin óndirýshi mekeme. Kom­panııa jo­ba­laýdan bastap ónim­di jetkizý, montajdaý jáne paıdalanýǵa berý aldynda testileýge deıingi qajetti ju­­mys­­tar­dyń barlyǵyn tolyq jú­­zege asyrady. Onyń ónimderi 50-den astam elde qol­danylady.

Al Vestlend mýnısı­pa­lı­te­tiniń meri Baýke Arendstiń aıtýynsha, Qazaqstan men Nıder­land sońǵy otyz jylda saıası, eko­nomıkalyq jáne mádenı sa­la­larda berik jáne senimdi yn­ty­maqtastyq ornatty. Elder agroónerkásiptik, geolo­gııa­lyq barlaý, taý-ken óndirý, metallýrgııa jáne elektrotehnıka salalarynda birlesken jobalardy iske asyrýda zor múmkindikterge ıe. SIM Investısııa ko­mıtetiniń tóraǵasy Ardaq Zebeshev te Nıderland Qazaqstan ekonomıkasyna salǵan ınvestorlardyń kóshin bastap keletinin aıtady. О́tken 30 jylda tikeleı ınvestısııalar shamamen 110 mlrd dollardy qurady jáne bul kórsetkish jyl saıyn artyp keledi. Keıingi jyldary saýda kólemi turaqty ósýde. Búginde el naryǵynda 900-den astam kompanııa jumys isteýde.

Negizi Qazaqstannyń Eýrazııa orta­ly­ǵyndaǵy strategııalyq orny, tabı­ǵı resýrstardyń kóptigi, óndiristiń tıim­di­ligi jáne qolaıly ınvestısııalyq ahýal ekonomıkanyń túrli sektorla­ryn­da, ásirese agroónerkásiptik keshen­de­gi jobalardy iske asyrýǵa zor múm­kin­dik bere­di. Sonymen qatar elimiz memle­ket­tik qoldaýdyń keshendi sharalaryn, qoljetimdi jáne bilikti jumys kúshin usynady. Iri álem­dik naryqtarǵa da shyǵa ala­dy. Osyndaı artyqshylyqtar nıderlandtyq kompanııalardy qyzyq­ty­ryp otyr. Nátıjesinde, «MJ Tech» pen Qazaqstan jylyjaılar odaǵy ara­synda ırrıgasııalyq jabdyqtar óndirý jónindegi jobany iske asyrý ynty­maqtastyǵy týraly, «Royal GD» men aýyl sharýashylyǵy mınıstrligi respýb­lı­kalyq veterınarlyq zerthanalary arasynda, sondaı-aq «Qaraǵandy aýylsharýashylyq tájirıbe stansasy» JShS, «Qazaq to­py­raqtaný jáne agrohımııa ǵy­lymı-zertteý ınstıtýty» JShS jáne nıderlandtyq «Royal Eijkelkamp» arasynda úshjaqty memorandýmǵa qol qoıyldy.

Sondaı-aq SIM habar­la­ǵan­daı, qazaq­s­tandyq delegasııa Naldveık, Rot­ter­dam jáne Gaaga qalalarynda jer­­gilikti bıznes qoǵamdastyq ókil­de­­rimen eki­jaqty kezdesýler ótkizgen. Má­selen, «Invest International» ınves­tı­sııalyq qorynyń basshysy Els Han­tııs­pen júrgizilgen kelissózdiń nátıjesi boıynsha Nıderland úki­me­ti qol­da­nys­taǵy birqatar joba­ny odan ári qarjylandyratyn bolyp, ın­vestısııalyq jobalar pýlyn qa­lyp­tas­ty­rý týraly kelisim jasasqan.