Emtıhan sessııalaryn úzdik tapsyrǵan stýdentterdiń shákirtaqysy 15% kóbeıedi.
Jobaǵa sáıkes, memlekettik bilim berý tapsyrysy boıynsha bilim alýshylarǵa aı saıynǵy memlekettik stıpendııa mynadaı mólsherde belgilenedi:
- daıarlaýdyń pedagogıkalyq baǵyttarynda jáne «Densaýlyq saqtaý» baǵyty boıynsha bilim alatyn stýdentterdi qospaǵanda, joǵary bilimniń bilim berý baǵdarlamalaryn iske asyratyn bilim berý uıymdarynda bilim alatyn stýdentterge – 41 898 teńge;
- pedagogıkalyq baǵyttarda bilim alatyn stýdentterge – 67 200 teńge;
- «Densaýlyq saqtaý» baǵyty boıynsha bilim alatyn stýdentterge – 67 200 teńge;
- ınternderge – 75 890 teńge;
- magıstranttarǵa – 97 024 teńge;
- «Nazarbaev ýnıversıteti» derbes bilim berý uıymynda bilim alatyn magıstranttarǵa – 162 500 teńge;
- doktoranttarǵa – 217 500 teńge;
- «Densaýlyq saqtaý» baǵyty boıynsha doktoranttarǵa – 217 500 teńge;
- «Densaýlyq saqtaý» baǵyty boıynsha rezıdent-dárigerlerge jáne magıstranttarǵa – 111 579 teńge.
Sondaı-aq kelesi sanattarǵa jatatyn stıpendıattardyń shákirtaqysy artady:
- Joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdarynda bilim alatyn kórý qabileti jaǵynan múgedektigi bar adamdarǵa jáne estý qabileti jaǵynan múgedektigi bar adamdar – 75%;
- Joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdarynda bilim alatyn, «Ardagerler týraly» QR zańyna sáıkes jeńildikter boıynsha Uly Otan soǵysy kezeńinde jaralanýy, kontýzııa alýy, mertigýi nemese aýrýǵa shaldyǵýy saldarynan bolǵan múgedektigi bar adamdarǵa teńestirilgen stýdentter, magıstranttar jáne ınternder – 50%;
- Jetim balalar men ata-analarynyń qamqorlyǵynsyz qalǵan jáne azamattardyń qamqorlyǵyndaǵy (qorǵanshylyǵyndaǵy) balalar qataryndaǵy joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdarynda bilim alatyn stýdentter, magıstranttar jáne ınternder – 30%;
- Joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdarynda bilim alatyn, emtıhan sessııasynyń nátıjeleri boıynsha tek «úzdik» degen baǵalary bar stýdentter, magıstranttar (memlekettik ataýly stıpendııalar men QR prezıdentiniń stıpendııalaryn alatyn stýdentterden basqa) – 15%;
Sondaı-aq memlekettik organdardan oqýǵa jiberilgen Joǵarǵy sot janyndaǵy Sot tóreligi akademııasynyń magıstranttarynyń stıpendııasy sońǵy jumys orny boıynsha laýazymdyq aılyǵynyń deńgeıinde, biraq memlekettik bilim berý tapsyrysy boıynsha bilim alatyn magıstranttar úshin belgilengen memlekettik stıpendııanyń mólsherinen tómen bolmaýy kerek.
Aıta keteıik, qujat jobasy 17 naýryzǵa deıin qoǵamnyń jarııa talqysyna usynylǵan. О́zgerister qaýly alǵashqy resmı jarııalanǵan kúnnen bastap qoldanysqa engiziledi.
