«Qazaqstan» teleradıokorporasııasynyń tapsyrysymen «Qoǵamdyq pikir» zertteý ınstıtýty QR Parlamenti Májilisiniń saılaýyna jáne partııalar pikirsaıysyna qatysty áleýmettik saýalnama júrgizdi. Onlaın saýalnamaǵa qazaqstandyqtar saılaýǵa qatysatyn partııalar pikirsaıysy barysynda tikeleı efırderde beınelengen QR-kod arqyly ótip, qatysty.
Saýalnamaǵa 18 jastan asqan 34 947 respondent qatysty.
Qazaqstandyqtar saýalnamada «Daýys berýge barasyz ba?», «Pikirsaıysta qaı partııa ókiliniń sóılegen sózi Sizge kóbirek unady?», «Búgingi pikirsaıys Sizge qanshalyqty qyzyq boldy?» degen saýaldarǵa jaýap berdi.
«Daýys berýge barasyz ba?» saýalyna respondentterdiń 77,6%-y «ıá» dep jaýap bergen. «Iá deýge bolady» - 12,1%, «ózirge bilmeımin» - 9,3%, «joq» deýge bolady - 0,4%, «joq» - 0,6%.
«Pikirsaıysta qaı partııa ókiliniń sóılegen sózi sizge kóbirek unady?» degen saýal boıynsha «Amanat» partısy - 72,3%, «Aýyl» halyqtyq-demokratııalyq patrıottyq partııasy - 3,7%, Respublica partııasy - 14,8%, Qazaqstan Halyq partııasy – 1,3%, Qazaqstannyń «Baıtaq» jasyldar partııasy – 4,3%, «Aq jol» Qazaqstannyń demokratııalyq partııasy – 1,1%, Jalpyulttyq sosıal-demokratııalyq partııa - 1, 9% paıyz qoldaýǵa ıe boldy. «Eshqaısy» dep jaýap bergender úlesi - 0,6%-dy qurady.
