Sapar aıasynda Mıssııa basshysy general-maıor Patrık Gosha UNTSO-nyń mandaty týraly prezentasııa jasady. Sondaı-aq aımaqtaǵy áskerı-saıası ahýal týraly pikir almasý boldy.
Elshi BUU bitimgershilerine Qazaqstannyń Taıaý Shyǵystaǵy memlekettermen dostyq qarym-qatynasy jáne Sırııa máselesi boıynsha «Astana prosesi» halyqaralyq platformasynyń damýy jaıly aıtyp berdi.
Sonymen qatar qazaqstandyq dıplomat Mıssııa basshysyn elimizde bitimgershilik jóninde qabyldanyp jatqan sharalar men qazaqstandyq bitimgerlerdiń BUU mıssııalarynda geografııalyq qatysýy týraly habardar etti.
Taraptar Túrkııa men Sırııadaǵy joıqyn jer silkinisiniń saldaryn da talqylady. Osy rette, S.Burshaqov Qazaqstan Prezıdenti Qasym-Jomart Toqaevtyń bastamasymen eki elge gýmanıtarlyq kómek jetkizilgenin atap ótti. Sondaı-aq Túrkııadaǵy qazaqstandyq qutqarý tobynyń qyzmeti men túrik tarapyna bólingen 1 mln AQSh doll kólemindegi qarjylaı kómekke jeke toqtaldy.
Kezdesý qorytyndysy boıynsha taraptar ekijaqty baılanystardy jandandyrýǵa járdemdesýge kelisti.
