Jýrnalısterge jasalǵan shabýyldardy uıymdastyrýshy jáne bastamashy Qazaqstan azamaty Klebanov (Manevıch) Arkadıı Sergeevıch ekeni anyqtaldy. Ol ustalyp, sottyń ruqsatymen qamaýǵa alyndy.
Oǵan QR Qylmystyq kodeksiniń 115-shi «Qaýip-qater», 147-shi «Jeke ómirge qolsuǵylmaýshylyqty buzý», 158-shi «Jýrnalıstik qyzmetke kedergi jasaý», 202-shi «Bóten múlikti qasaqana joıý nemese búldirý» jáne 293-shi «Buzaqylyq» baptarymen qarastyrylǵan aıyptar taǵyldy.
Ustalǵan adam istegen áreketin moıyndady. Jaýap alý barysynda barlyq shabýyldardy óz betinshe uıymdastyrǵanyn, óıtkeni jeke sebepter men birqatar qazaqstandyq tanymal BAQ ókilderine burynǵy talaptarynyń bolǵanyn málimdedi.
Klebanov-Manevıch quqyqqa qaıshy josparlaryn iske asyrý úshin hakerler toby men aksııalardy oryndaýshylardy jaldaǵan. Arandatý maqsattary men nusqalaryn óz betinshe tańdaǵan. Oryndaýshylarǵa beriletin qarajatty krıptovalıýta operasııasynan túsken paıda esebinen tólep otyrǵan.
Tergeý jalǵasyp jatyr, onyń nátıjeleri týraly qosymsha habarlanatyn bolady.
