Qazaqstan men О́zbekstan memleketteri basshylarynyń ýaǵdalastyqtaryn damytý úshin elderimiz arasynda logıstıkalyq marshrýttardy, sondaı-aq eksporttyq-ımporttyq operasııalarǵa arnalǵan qyzmetterdi keńeıtý jónindegi jobalar belsendi túrde iske asyrylýda. О́zara saýdany ulǵaıtý – eki tarap ta júzege asyrýǵa múddeli birinshi kezektegi mindetterdiń biri.
Syrtqy saýda kompanııasynyń qyzmeti eki eldiń iri kásiporyndarynyń ónimderine naryqtyq zertteýler men básekelestik taldaý júrgizýge, daıyn ónimdi óndirýge tapsyrystardy ornalastyrý, ózara saýda prosesterin ońtaılandyrý jáne úılestirý jóninde usynystar ázirleýge, bıznesti sertıfıkattaýǵa jáne ónimdi eksporttaýǵa ilgeriletýge, sondaı-aq olardyń tapsyrystary boıynsha tehnologııalyq jabdyqtardy, qosalqy bólshekterdi, jınaqtaýyshtardy jetkizýge járdemdesýge, О́zbekstan men Qazaqstanda úshinshi elderden ımportty almastyrý úshin óndirilgen shıkizat pen materıaldar, jańa satyp alýshylar men tutynýshylardy izdeýge baǵyttalatyn bolady.
«QazTrade» AQ Bas dırektory Nuraly Bókeıhanov atap ótkendeı, birlesken kompanııa qurý qazaqstandyq kásiporyndarǵa eki eldiń naryqtaryna taýarlardy jetkizý kólemin ulǵaıtýǵa múmkindik beredi, ózara saýdadaǵy shekteýler men kedergilerdi alyp tastaý boıynsha usynystar ázirleýge járdemdesetin bolady.
«Bastapqy kezeńde bizdiń ishki naryqtyń qajettilikterin qamtamasyz etý úshin О́zbekstannan jemis-kókónis ónimderin satyp alý josparlanýda. Budan basqa, Aýǵanstanǵa odan ári eksporttaý múmkindigimen О́zbekstan aýmaǵynda qazaqstandyq un tartý ónimderin satýǵa kómektesetin bolamyz. Biz ózbek tarapymen logıstıkalyq shyǵystarǵa preferensııalar berý týraly ýaǵdalastyq», dedi Saýda saıasatyn damytý ortalyǵynyń basshysy.
Budan basqa, jobany iske asyrý qazaqstandyq naryqtyń úshinshi elderden keletin ımportqa táýeldiligin qysqartý jónindegi memlekettik sharalardyń tıimdiligin arttyrýǵa yqpal etetin bolady.
2022 jyldyń qorytyndysy boıynsha Qazaqstan men О́zbekstan arasyndaǵy taýar aınalymy 5,0 mlrd dollarǵa jetti, bul ótken jylǵy kórsetkishten 29,8%-ǵa joǵary (3,8 mlrd dollar). Qazaqstandyq taýarlardy eksporttyq jetkizý kólemi 33%-ǵa ósip, 3,7 mlrd dollardy qurady. Eksporttyń ósýi negizinen kendi jáne mys konsentrattaryn (ósimi 4,8 ese), bıdaıdy (32,3%-ǵa), jeńil avtomobılderdi (83,7%-ǵa), kúnbaǵys maıyn (97,2%-ǵa), jańa jáne salqyndatylǵan sıyr eti (ósimi 4,1 ese), óńdelmegen alıýmınııdi (70,4%-ǵa)
jetkizýdiń ulǵaıýyna baılanysty boldy).
О́tken jyly О́zbekstannan Qazaqstanǵa ımporty 21,4%-ǵa ósip, 1,3 mlrd dollardy qurady. Negizinen Qazaqstan avtomobılderge arnalǵan shanaqtardy, ushqynmen tutanatyn ishten janý qozǵaltqyshtaryn, júzimdi, qospasyz bolattan jasalǵan jalpaq jalatylǵan ılemdi, qorǵasyn kenderi men konsentrattaryn, qurylys kirpishterin, edenge arnalǵan bloktardy jáne keramıkadan jasalǵan uqsas buıymdardy, avtomobılder men traktorlarǵa arnalǵan bólshekter men kerek-jaraqtardy, etılen polımerlerin satyp alady.
