Aslan Baqytjanov pen Rýslan Nesipqalıevke QR Qylmystyq Kodeksiniń 462-babynyń 3-tarmaǵy boıynsha «Abaısyzda eki nemese odan da kóp adamnyń ólimine ákep soqtyryp, aınalasyndaǵylarǵa asa qaýipti oq-dárilermen jáne jarylǵysh zattarmen jumys isteý qaǵıdalaryn buzdy» degen aıyp taǵyldy. Sondaı-aq Eran Boshaı men Berik Omarbekov QR Qylmystyq kodeksiniń 453-babynyń 1, 2-tarmaǵy boıynsha «Bastyqtyń nemese laýazymdy adamnyń qyzmetke eleýli zııan keltirgen salǵyrt qaraýy, aýyr zardaptarǵa ákep soqqan dál sol is-áreket» boıynsha aıyp taǵyldy.
Erpýlat Turanov pen Áset Áshirbaıǵa «eleýli zalal keltirgen bótenniń múlkin qasaqana joıý nemese búldirý» QR Qylmystyq kodeksiniń 202-baby 3-bóliginiń 1, 2-tarmaqtary boıynsha aıyp taǵyldy. Olar sondaı-aq «aýyr zardaptarǵa ákep soqqan qarýdy, oq-dárilerdi, kólik quraldaryn, áskerı tehnıkany nemese basqa da áskerı múlikti qasaqana joıý nemese búldirý» QR Qylmystyq kodeksiniń 459-babynyń 2-bóligi boıynsha sottalady.
Istiń barlyq materıaly sotqa berildi.
Esterińizge sala keteıik, 2021 jyldyń 26 tamyzynda Jambyl oblysy Baızaq aýdanynda ornalasqan áskerı bólimdegi qoımalardyń biriniń janynda órt shyqqan bolatyn. О́rt saldarynan anyqtalmaǵan zattar jaryldy. Jarylystan keıin 93 adam aýrýhanaǵa jatqyzyldy. Júzge jýyq adam jaraqat aldy. 18 adam qaza tapty. Oblys ákimdiginiń málimetinshe, 106 turǵyn úı, 12 kommersııalyq nysan jáne úsh mektep zaqymdanǵan.
