Sonaý 2020 jyly Dımashtyń jankúıerleri onyń qurmetine Almatyda qabyrǵa sýretin – mýralyn salǵan edi. Onyń oryndaýshysy - almatylyq sýretshi Batyr Sádýaqasov.
«Joba úlken qıyndyqpen jasaldy, ol resmı organdarmen kelisý men qarjylyq qoldaýdy qajet etti. Bizge boıaýǵa, rolıkterge, munarany jalǵa alýǵa, proektorǵa aqsha kerek boldy. Osy kezde almatylyq kásipkerlerdiń biri bastamany qoldap, álemniń 65 eline belgili qabyrǵa sýretin jasaýǵa demeýshilik jasady. Eń bastysy, Almaty Dımashtyń sýreti salynǵan alǵashqy qala boldy. О́tken jyldyń kúzinde ákimdik úıge jóndeý jumystaryn júrgizdi, onyń barysynda qabyrǵa jabyny aıtarlyqtaı búlingen», deıdi qabyrǵa sýretin jasaýǵa bastamashy bolǵandardyń biri Erlan Ibragım.
Qalalyqtardyń bastamashyl toby qabyrǵa sýretin qalpyna keltirýge qarajat jınap, qalpyna keltirý jumystaryn júrgizýge qala ákimdiginiń kelisimin aldy.
