«Almaty qalasy Medeý aýdanynyń №2 sotynyń úkimimen para alǵany úshin «Almaty jylý jelileri» JShS (budan ári - AJJ) bas dırektory K. Beısenbınovke 560 mln teńge somasynda aıyppul taǵyldy. Sonymen qatar AJJ bas ınjeneri D. Qazymbetov 560 mln teńge somasynda aıyppul, AJJ Kúrdeli qurylys basqarmasynyń bastyǵy S. Djıngılbaev 560 mln teńge kólemindegi aıyppulǵa, sondaı-aq para bergeni úshin «SpesKommýnStroı» JShS dırektory B.Razımbekov 400 mln teńge aıyppul túrinde jaza taǵaıyndaýmen sottaldy», delingen vedomstvo habarlamasynda.
Atalǵan adamdar memlekettik qyzmette qyzmet atqarý quqyǵynan ómir boıyna aıyryldy. Sottalǵandar úshin aıyppuldyń jalpy somasy 2 mlrd 80 mln teńgeni qurady, bul 350 oryndyq mektep nemese 320 oryndyq balabaqsha qurylysynyń bıýdjetine teń.
AJJ laýazymdy tulǵalary Almaty qalasynda jylý jelilerin qaıta qurý týraly sharttar boıynsha oryndalǵan jumystar aktilerine kedergisiz qol qoıǵany jáne aqsha qarajatyn aýdarǵany úshin B. Razımbekovten 16 mln teńge somasynda para aldy dep kúdiktendi.
QR QK 41-babyna sáıkes aıyppul belgilengen merzimde tólenbegen jaǵdaıda jaza sharasy bas bostandyǵynan aıyrýǵa aýystyrylady (sot úkimi zańdy kúshine engen joq).
