Túlkibas aýdanynyń polısııa qyzmetkerleri 2020 jyly mamyr aıynda T. Rysqulov aýylynda mas halde kólik basqarǵan júrgizýshini anyqtaǵan bolatyn. Al medısınalyq zertteý turǵynnyń «aýyr dárejeli» mastyǵyn rastaǵan.
Atalǵan jaıt QR ÁQBtK-niń 608-babymen tirkelip, jınaqtalǵan qujattar zańdy sheshim qabyldaý úshin Túlkibas aýdandyq sotyna joldanǵan. Alaıda kináli júrgizýshi oǵan qatysty sheshim shyqpaı turyp, jasyrynyp úlgergen.
Iаǵnı, úsh jyldan beri izin sýytyp, qashyp júrgen. Al polıseıler bul júrgizýshiniń júrgen jerin anyqtap, jaýapqa tartý maqsatynda jyldar boıy izdestirýdi toqtatpady. Osy jyldyń naýryz aıynyń basynda júrgizýshiniń Saryaǵash qalasy aýmaǵynda júrgeni boıynsha jedel aqparat túsip, 2 birdeı ýchaskelik polısııa ınspektory qyzmettik issaparǵa shyqty. Polıseıler aqyry onyń izine túsip, júrgen jerin anyqtady.
Nátıjesinde jaýapkershilikten jaltaryp júrgen turǵyn Almaty – Tashkent – Termez tasjoly boıynda ketip bara jatqan týysynyń júk kóliginde jasyrynyp jatqan jerinen anyqtalyp, polısııaǵa jetkizildi. Mas júrgizýshi Túlkibas aýdandyq sotynyń qaýlysymen QR ÁQBtQ-niń 608-babyna sáıkes, kólik basqarý quqyǵynan 7 jylǵa aıyrylyp, 15 táýlikke ákimshilik qamaýǵa alyndy.
