Jantúrshegerlik oqıǵa ótken jyldyń 16 naýryzynda bolǵan.
Sol kúni 44 jastaǵy er adam kórshisine kelip, onyń esigin qaqqan. Esikti ashqan sátte ol 32 jastaǵy áıel men onyń 4 jasar balasynyń ústine kerosın quıyp, órtep jibergen.
Polısııa qyzmetkerlirniń aıtýynsha, bul áreketke kórshiler arasynda týyndaǵan kelispeýshilik sebep bolǵan.
Áıeldiń qolyn kúıik shalǵan, al bala 40%-dyq kúıikpen jansaqtaý bólimine tústi. Oǵan 10-nan astam ota jasalǵan.
Al búgin Qostanaıda osy oqıǵaǵa qatysty sot úkimi shyqty.
Bul qylmysty 1979 jyly týǵan Gennadıı Mıller jasaǵany anyqtaldy.
«Qylmystyq is júrgizý kodeksiniń 520, 521-baptaryn basshylyqqa ala otyryp, sot Gennadıı Mıllerdi Qylmystyq kodekstiń 24-baby, 3-bóligi, 99-baby 2-bóligi, 1-tarmaǵy, 24-baby 3-bóligi, 99-baby 3-bóliginde kózdelgen zańmen tyıym salynǵan qylmystyq is-áreketti aqyl-esiniń kemistiginen jasady dep tanydy. Áleýmettik qaýipti áreketti jasaý kezinde Gennadıı Mıllerdiń aqyl-esiniń durys bolmaýyna baılanysty ol qylmystyq jaýapkershilikten bosatylsyn. Oǵan jiti baqylanatyn psıhıatrııalyq stasıonarda emdeý túrindegi medısınalyq májbúrleý sharalary taǵaıyndalsyn», dep sýdıa úkim shyǵardy.
Oǵan qosa qylmysker jábirlenýshi tarapqa moraldyq zııan keltirgeni úshin 2,5 mln teńge kóleminde ótemaqy tóleýge mindetteldi.
