Astana Hub bas dırektory Maǵjan Mádıevtiń aıtýynsha, Tech Orda IT-mamandyqqa oqytý baǵdarlamasy aıasynda bólingen 3 067 granttyń 39 paıyzyn áıelder ıelengen.
– Bizdiń tehnopark ujymyndaǵy qyzdardyń úlesi 61 paıyzǵa teń. onyń ishinde 63 paıyzy – basshylyq qyzmette. Iаǵnı qazirgi ýaqytta eńbek naryǵyndaǵy genderlik teńdik ózgerip jatyr. Birneshe jyl buryn IT-sektor er adamdarǵa arnalǵan dep eseptelse, qazirgi jaǵdaıda onyń genderge baǵynbaıtynyn kórip otyrmyz, – deıdi ol.
Astana Hub ekojúıesindegi áıelder basqaratyn IT-startaptardyń basym bóligi áleýmettik jáne EdTech salasyn damytýǵa baǵyttalǵan. Máselen, Ásem Tájıeva negizin qalaǵan Ozim Platform áleýmettik startaby erekshe kútimdi qajet etetin balalary bar otbasylarǵa mobıldi qosymsha, YouTube arnasy jáne áleýmettik jeliler arqyly bilim berip, aqparattyq qoldaý kórsetedi.
SmarTestPrep halyqaralyq emtıhanǵa daıyndyq jáne usynystar jónindegi platformasynyń bas dırektory Laýra Vaıgorova qoldanýshylarǵa Spotify nemese Netflix sııaqty eń qolaıly ýnıversıtet pen baǵdarlamany usynatyn 50 myń ýnıversıtet pen stıpendııalar tizimine negizdelgen júıeni sátti damytyp otyr.
Qonzhyq App jobasynyń bas dırektory Áıgerim Isataeva folklordy jańǵyrtýǵa jáne qazaq tilin damytýǵa arnalǵan mobıldi qosymshany iske qosqan. Maqsaty – jas urpaqtyń qazaq ulttyq mýzykasyna, ádebıetine, mádenıetine, salt-dástúrine, tiline degen qyzyǵýshylyǵyn oıatý.
Sondaı-aq áıelder negizin qalaǵan IT-jobalar jyldam damyp, sheteldik naryqqa da shyǵyp jatqan kórinedi. Iаna Shoıbekova basqaratyn eń iri DOOH smartbord jelisin – Citix aqparattyq-navıgasııalyq júıesin Túrkııa men BAÁ turǵyndary qoldanyp otyr. Citix kompanııasy Ulttyq tehnologııalyq damý agenttiginiń «Qazaqstandaǵy úzdik 10 ınnovasııalyq joba» reıtıngine engenin aıta keteıik.
– Kóptegen kompanııanyń tájirıbesine qarasaq, qyzmetkerlerdiń genderlik tepe-teńdigin saqtaıtyn bıznes tabystyraq bolady. Áıelder IT-salasyn damytýǵa belsendi qatyssa, sala jyldamyraq damıdy dep oılaımyn. Ekonomıkany jańa deńgeıge kóterý úshin qoǵamnyń áleýetin damytyp, stereotıpterden arylyp, áıelderdi aqparattyq tehnologııalar salasyna kóbirek oqytyp, yntalandyrý jáne jalaqyny arttyrý mańyzdy, – deıdi Astana Hub basqarýshy dırektory Alına Ábdirahmanova.
Qazaqstanda jyl saıyn aqparattyq-kommýnıkasııalyq tehnologııa salasyna 30 myń maman qajet. Qazir elimizdegi IT-mamandardyń 31 paıyzy –áıelder. Astana Hub qatysýshylary arýlardyń ujymdy basqarýǵa barynsha qabiletti, aqparattyq jáne áleýmettik turǵyda tıimdi jáne orta deńgeıdegi laýazymdaǵy áıelderge jaqsy úlgi ekenin alǵa tartyp otyr.
