Oramdy oıdyń Omary

Aqynnyń baı murasyn nası­hattap, urpaq jadynda jań­ǵyrtýdy kózdegen «Oramdy oıdyń Omary» atty baıqaý Qyzylorda qalasy ákimdiginiń qoldaýymen, oblystyq halyq shyǵarmashylyǵyn damytý jáne mádenı-prodıýserlik or­talyǵy, qalalyq mádenıet jáne sport bólimi, Aıtys aqyn­dary men jyrshy-terme­shilerdiń halyqaralyq odaǵy Qy­zylorda oblysy boıyn­sha fılıalynyń birlese uıym­dastyrýymen ótkizildi. Jyrǵa sýsaǵan jurtqa rýhanı kesh syıl­aǵan sharanyń ótýine shaıyr ur­paqtary demeýshilik tanytypty.

Jyrshylar baıqaýynda qa­la ákiminiń orynbasary Jan­murat Seıilov talapker jas­tarǵa sáttilik tiledi.

– Babadan qalǵan rýhanı qazynanyń orny qashanda bólek. Sonyń ishinde «Syr eli – jyr eli» dep tanylǵan osy topyraqtan túlegen urpaqtyń qanǵa sińgen jyraýlyq ónerden alshaq bolmasy taǵy anyq. Omar Shoraıaqulynyń baı murasyn nasıhattaý arqyly jas urpaq ja­dynda jańǵyrtýdy murat etken bul baıqaýdyń bereri mol dep bilemin, – dedi ol.

Shaıyrdyń urpaǵy, Máde­nıet salasynyń úzdigi, tanymal aqyn Serik Ydyrysov jas jyrshylarǵa bata­syn berip, ónerdegi jol­daryń dańǵyl bol­syn degen tile­gin bildirdi. Sha­ıyrdyń ter­me­leri men das­tandarynan úzin­­di oryndalǵan oblystyq baı­qaýǵa belgili jyrshylar, Má­denıet qaıratkeri Rýs­lan Ah­metov, oblystyq ha­lyq shy­ǵar­mashylyǵyn damytý jáne mádenı-prodıý­ser­lik or­talyǵynyń sektor meń­gerý­shi­si Maıra Sársen­bae­va men Ma­rat Súgirbaı qazylyq jasady.

Baıqaý nátıjesinde qyzyl­ordalyq Ańsaǵan Dildábekqyzy, Januzaq Rysbek, Dosymjan Qurmanǵalıev, qarmaqshylyq Araı Ońǵarqyzy arnaıy júlde alsa, Jalaǵash aýdanynan kel­gen Baqytbek Dáýletbek, qar­maqshylyq Aıdana Amantaı, qyzylordalyq Qaraqat Ábdi­kerim júldeli úshinshi oryndy ózara bólisti. Araldyq Ina­bat Tolǵanbekova men qar­maq­shy­lyq Talant Baltabaı ekinshi oryndy ıelendi. Baıqaýdyń bi­rinshi oryny qarmaqshylyq Má­dı Eldes pen qyzylordalyq Aıaý­lym Abdýmajıtke buıyrsa, bas júlde men «Jyrshy bala – 2023» nomınasııasyn qyzyl­ordalyq jas jyrshy Nóser Aıdosuly jeńip aldy.

Jeńimpazdar men júl­deger­lerge Omar Shoraıaq­uly­nyń urpaqtary atynan syı­lyqtar tabystaldy.

QYZYLORDA