BUU jáne Qazaqstan: Yntymaqtastyqtyń negizgi basymdyqtary

О́tken jyldardaǵydaı bıyl da Qazaqstan men BUU Prezıdent Qasym-Jomart Toqaevtyń ekonomıkalyq jáne saıası reformalaryn ilgeriletý boıynsha ornyqty damýdyń 17 jahandyq maqsattaryn jáne birles­ken jumysty iske asyrý máseleleri­ne erekshe nazar aýdaryp, osy baǵyttaǵy birlesken jobalardy iske asyrady. Buǵan eki tarap Qazaqstan Syrtqy ister mınıstrliginde ótken 2021-2025 jyldarǵa arnalǵan Ornyqty damý maqsatynda BUU yntymaqtastyǵy­nyń negizdemelik baǵdarlamasy (UNSDCF) Úılestirý komıtetiniń kezekti otyrysynda kelisimge keldi. Atalǵan otyrys Syrtqy ister mınıstriniń birinshi orynbasary Qaırat Omarov pen BUU-nyń Qazaqstandaǵy Turaq­ty úılestirýshisi Mıkaela Frıberg-Storıdiń tóraǵalyǵymen ótti.

«BUU bas trıbýnasynan jarııalanǵan kóptegen qazaqstandyq bastama tabys­ty iske asyryldy jáne jahandyq qoǵam­dastyq olardy moıyndady», dep atap ótti Q.Omarov óz sózinde.

Sonymen birge Syrtqy saıası vedomstvo basshysynyń orynbasary BUU elimizdegi komandasyna Qazaqstandaǵy reformalardy, onyń ishinde áleýmettik baǵdarlamalardy iske asyrý jáne adam kapıtalyn damytý jolyndaǵy 30 jyl boıy qoldaý kórsetkeni úshin alǵys bildirdi.

Al Mıkaela Frıberg-Storı óz kezeginde «BUU eldik komandasy ótken úsh on­jyldyqtaǵy damýda eleýli nátı­jege qol jetkizgen Qazaqstan Úkimetimen birle­sip tabysty jumys isteýge qýanyshty» ekenin jetkizdi. Is-sharada dıpkorpýs ókilderi elimizdiń BUU qurylymdarymen yntymaqtastyǵynyń negizgi baǵyttary jáne ony odan ári keńeıtý perspektıvalaryn talqylady.

Aıtyp ótsek, 2021-2025 jyldarǵa arnalǵan Ornyqty damý maqsatyn­da jasalǵan Qazaqstan Úkimeti men BUU yntymaqtastyǵynyń negizdemelik baǵdarlamasy – taraptardyń ózara is-qımyly úshin negiz bolatyn qujat. Onyń negizinde elimizge klımattyń ózgerýine qarsy kúreste kómek kórsetý, kemsitýshiliktiń barlyq túrin joıý jáne balalar men áıelderdiń quqyqtaryn qorǵaý, keńes berý men tehnıkalyq kómek kórsetý, kedeılikti joıý, sıfrlyq saýat­­tylyqty ilgeriletýge jáne t.b. baǵyt­­talǵan kómek kórsetiledi.

Sonymen qatar Qazaqstandaǵy BUU komandasy Úkimetpen qosa azamattyq qoǵam jáne jeke sektormen birqatar másele boıynsha yntymaqtastyq jasaıdy. Atap aıtsaq, ekonomıkalyq, áleýmettik jáne saıası modernızasııa arqyly deni saý halyq, «jasyl ekonomıka», damyǵan bıznes jáne barshanyń teń quqyǵy qamtylǵan bolashaqqa qol jetkizý; barlyq azamattyń, ásirese áleý­mettik osal toptaǵy adamdardyń quqyqtary men ál-aýqatyn qorǵaý jáne nyǵaıtý arqyly ınklıýzıvti qoǵam qurý; azamattardyń teń quqyǵyn qamtama­syz etý maqsatynda barlyq deńgeı­degi múddeli taraptardyń áleýetin damytý jáne jaýapkershiligin nyǵaıtý; kópjaqty jáne óńirlik yntymaqtastyqty ilgeriletý, ásirese gýmanıtarlyq kómek pen turaqty damý maqsatyndaǵy qoldaý.

Qazaqstan 1992 jyly 2 naýryzda Birikken Ulttar Uıymynyń múshesi boldy. Bir jyldan keıin, 1993 jyldyń 16 aqpanynda «Qazaqstan» qonaqúıin­de BUU Damý baǵdarlamasynyń el­degi keńsesi jumysyn bastady. Qazirgi kezde Qazaqstanda BUU júıesiniń 21 agenttigi men qurylymy akkredıttelgen. Osy ýaqytqa deıin halyqaralyq uıym Qazaqstanda 400-den astam jobany júzege asyrdy.

Sarapshylardyń aıtýynsha, Qazaq­stannyń BUU-ǵa qosylýy halqymyz­dyń táýelsizdik pen bostandyqqa degen kópǵasyrlyq umtylysynyń jemisin bildiredi, onyń álemdik órkenıettiń damýyna qosqan úlesin kórsetti. Kópsalaly halyqaralyq forýmnyń tolyq múshesi bola otyryp, Qazaqstan álemdik qoǵam­dastyqqa tolyqqandy ıntegrasııa­laný múmkindigine ıe boldy. Qazaqstan BUU múshe bolyp kele jatqan 27 jylda halyqaralyq qaýymdastyqqa ıntegrasııalanyp qana qoımaı, óz bastamalaryn tabysty iske asyryp keledi. Qazaqstan usynǵan Azııadaǵy ózara senim sharalary jónindegi keńes (AО́SShK) Azııa qurlyǵyndaǵy memleketterdiń turaq­tylyǵy men qaýipsizdigine arnal­ǵan platforma bolyp sanalady. 2020 jyly 24 qyrkúıekte ótken AО́SShK múshe-el­derdiń SIM kezdesýinde uıym­nyń tór­aǵa­lyǵy Tájikstannan Qazaq­stanǵa aýys­ty. 1992 jyly BUU Bas Assamb­leıasy­nyń 47-sessııasynda AО́ShSK shaqyrý týraly elimizdiń usynysy óziniń ómirsheń ekendigin kórsetip keledi.