Almatyda depýtattyq korpýs 66,7% jańartyldy

Aralas saılaý júıesi boıynsha saılanǵan 42 depýtat VIII shaqyrylymdaǵy qalalyq máslıhattyń birinshi sessııasy barysynda turaqty komıssııalar boıynsha bólindi. Aıta ketý kerek, 2004 jyldan beri alǵash ret depýtattardyń 50%-y partııalyq tizimder boıynsha, qalǵan 50%-y majorıtarlyq júıe boıynsha saılandy.

Sessııa jumysyn asha otyryp, Almaty qalasy boıynsha aýmaqtyq saılaý komıssııasynyń tóraǵasy Aıgúl Qalyqova VIII shaqyrylymdaǵy Almaty qalasy máslıhaty depýtattarynyń kýálikteri men tósbelgilerin tapsyrý rásimin ótkizdi.

Birinshi sessııa barysynda máslıhat tóraǵasy jáne jańadan qurylǵan turaqty komıssııalardyń tóraǵalary saılandy. Osylaısha, «AMANAT» partııasy fraksııasynyń usynysy negizinde VIII shaqyrylymdaǵy Almaty máslıhatynyń tóraǵasy bolyp Meıirjan Otynshıev saılandy.

Sonymen qatar saılaý komıssııasy «Qazaqstandaǵy jergilikti memlekettik basqarý jáne ózin-ózi basqarý týraly» zańyna sáıkes «AMANAT» partııasynyń fraksııasy tirkelip, onyń basshysy bolyp Stanıslav Kankýrov saılanǵany týraly habarlama jasady.

Sondaı-aq daýys berý nátıjesinde turaqty komıssııalardyń basshylary anyqtaldy:

1. Ekonomıka, qarjy, aktıvter, memlekettik basqarýdy damytý jáne qoǵamdyq qaýipsizdik jónindegi komıssııa, tóraǵasy – Nábıev Ámirjan Ámirjanuly.
2. Qurylys, sáýlet, ýrbanıstıka jáne jer qatynastary jónindegi komıssııa, tóraǵasy – Shoqanov Nursultan Nurlanuly.
3. Kommýnaldyq ınfraqurylym, energetıka, sýmen jabdyqtaý jáne qalalyq mobıldilik jónindegi komıssııa, tóraıymy – О́mirbaeva Zaýresh Ábilǵojaqyzy.
4. Kásipkerlik, ınvestısııalar, týrızm jáne ekologııa jónindegi komıssııa, tóraǵasy – Idrısov Rýslan Rashıtovıch.
5. Qoǵamdyq damý, mádenıet, sport, din jáne jastar jónindegi komıssııa, tóraıymy – Aqanova Ásııa Aıqanqyzy.
6. Densaýlyq saqtaý, bilim jáne jumyspen qamtý jónindegi komıssııa, tóraǵasy - Qodasbaev Almat Turysbekuly.

Bir mandatty okrýgterdi eskere otyryp, 24 mandatpen «AMANAT» partııasy basymdyqqa ıe boldy. «Respublica» partııasynda 5 mandat, «Qazaqstan Halyq partııasy» men «BAYTAQ» partııalarynda úsh mandattan bar. «Aq Jol» partııasy 2 mandatty alsa, partııalyq emes depýtattar 5 mandatqa ıe boldy.

Máslıhat depýtattarynyń quramyn jańartý 66,7% qurady. Áıelder, jastar jáne múmkindigi shekteýli jandar sany 38,1% qurady. Ulttyq quramy boıynsha: qazaqtar – 78,6%, orystar – 7,1%, kárister – 4,8%, uıǵyrlar – 4,8%, tatarlar – 2,4%, ýkraındar – 2,4%.