– Meniń bilýimshe, siz sonaý Batys Qazaqstannyń týmasysyz. Shyǵysqa jolyńyz qalaı tústi?
– Almatydaǵy T.Júrgenov atyndaǵy óner akademııasynda oqydym. Keıin dıplomdyq jumys jazý kezinde О́skemenniń teatr ókilderi kelip, usynys jasady. Áýelde josparymyz basqa edi. Biraq osynda, Shyǵysqa keletin bolyp sheshtik. Men ǵana emes, birge oqyǵan qurby-dostarym birge keldik. Iá, ózim Syrym aýdany, Jympıty aýylynda dúnıege keldim. Syrym Datuly, Qadyr Myrzalıev týǵan aýyl. Qadyr meniń týǵan atammen dos bolǵan. Biraq, Oral qalasynda óstim. Sóıtip, jumys babymen О́skemenge kelip, osynda turmysqa shyqtym. Eki balamyz bar. Qazir jastar teatrynda jumys istep jatyrmyn.
– О́ner ordasy Almatyda nege qalmadyńyz?
– Shyǵys úsh uıyqtasam, túsime kirmepti. Almatyda jumys istegim keldi. Biraq, ol jaqta basty rólge kezeń-kezeńimen ǵana jetesiń. Al munda Qazaq handyǵynyń 550 jyldyǵyna baılanysty qoıylǵan «Kerek-Jánibek» spektaklinde basty rólderdiń birinde boldym. Árıne, oqý bitire sala Ulyqbek Hakimniń qyzy, Ámir Temirdiń nemeresi Rábııa Begim sultannyń rólin somdaý ońaı bolmady.
– Taǵy qandaı aıtýly rólderdi somdadyńyz?
– 2021 jyly Tuńǵyshbaı Jamanqulov О́skemenge kelip, «Qazaqtar» spektaklin qoıdy. Sonda Muhammed Shaıbanıdiń baldyzy Nagıýr hanymnyń rólin aldym. Sonymen qatar, kópshilik kórermenniń kóńilinen shyqqan «Aljır» qoıylymynda Turar Rysqulovtyń jubaıy Ázıza Rysqulovany somdadym. Jalpy ár rólim men erekshe.
– Obrazǵa kirý, spektaklden soń odan shyǵý qıyn emes pe?
– Joǵary oqýdan soń bárin bilip turǵandaı bolasyń. Biraq, tájirıbeniń orny bólek eken. Alǵashynda bilim ǵana bolsa, qazir tájirıbe bar. Onyń ústine, ýaqyt óte shyńdalady ekenbiz. Qazir rólge kirý, odan shyǵý ońaı. Ustazdarymyz «obrazdan shyǵa almaý, kásibılik emes» deıtin. Kórermen qol soǵyp, sahna shymyldyǵy jabylǵanda keıipker rólinen shyǵamyz.
– Demek, ustazdardyń eńbegi esh ketpegeni ǵoı.
– Iá, ustazdarymyzǵa myń alǵys! Uzaq jyldar M.Áýezov atyndaǵy drama teatrda jumys istegen Orazhan Kenebaev aǵamyz «akterge qyzmet etetin otyz negizgi qural» dep, sony úıretti bizge. Sol dápterimdi áli saqtap júrmin. Ol kisi «akterdiń boldym, toldym degen kúni – ólgen kúni» deıtin. О́te durys aıtqan. Únemi izdeniste bolýymyz kerek.
– Jalpy teatr ónerine qalaı keldińiz? Bala kúnnen qyzyǵýshylyq boldy ma?
– Shara Jıenqulovanyń bıografııalyq kitabyn oqyp, teatrǵa qyzyǵýshylyǵym oıandy. Kúlásh Báıseıitova ekeýi kıim tapshy zamanda bir kıimdi kezek kıip, sahnaǵa shyǵady eken. Olar qazaq teatrynyń irgesin qalaýǵa úles qossa, biz daıyn sahnada júrmiz. Armanym, teatr ónerinde izim qalsa eken. Teatr men úshin sıqyrly, móldir óner sekildi bolyp kórinedi.
– Sizdiń oıyńyzsha, teatr qoǵamdy tárbıeleı alyp jatyr ma?
– «О́zim bolyp, ózińdi kórseteıin ózińe» degen Abaıdyń sózi bar ǵoı. Sol sekildi qazirgi qoǵamdy ózderine kórsetýdiń bir quraly teatr dep oılaımyn. Biraq, teatrǵa kelse eken degen adamdardyń kategorııasy kelmeıdi. Máselen, «Va-bank» spektakline otbasylyq qundylyqtyń baǵasyn bilmeıtinderdi alyp kelip kórsetse ǵoı deımin.
– Áńgimeńizge rahmet! Kórermenderińiz kóp bolsyn!
