Almaty qalasynyń aınalasynda azyq-túlik beldeýin qurý jónindegi Elbasynyń tapsyrmasyn oryndaý maqsatynda ótken aptada Jambyl oblysynyń ákimdigi ońtústik astanada jármeńke uıymdastyrdy.
– Jármeńkede Almaty qalasynyń turǵyndaryna shamamen 226 tonna aýyl sharýashylyǵy taýary satyldy, – deıdi Jambyl oblystyq aýyl sharýashylyǵy basqarmasynyń bastyǵy Abdaly Nuralıev. – Atap aıtqanda 35 mln. teńgege 34 tonna et, 4 mln. teńgege 15 tonna sút ónimderi, 3 mln. teńgege 3 tonna shujyq ónimderi, 22 mln. teńgege 250 tonnadan astam kókónis-baqsha ónimderi saýdalandy. Odan bólek, oblysta óndiriletin basqa da aýyl sharýashylyǵy taýarlary – ara baly, qymyz, shubat, makaron ónimderi, ósimdik maıy, keptirilgen jemis-jıdekter bar. Jalpy, jármeńkege usynylǵan taýardyń quny 68,7 mln. teńgeni qurady.
Árıne, bul jármeńkeniń basty ereksheligi – taýar baǵalarynyń tómen, arzan bolǵandyǵy edi. Jambyl oblysynyń ákimi Kárim Kókirekbaevtyń aıtýyna qaraǵanda, jármeńkede 10 aýdannyń kásipkerleri óz taýarlaryn arzan baǵamen, tipti, óz qunynan 30-40 paıyzǵa deıin tómen saýdalaǵan. Jambyldyq aǵaıyndardyń bul jomarttyǵy men darqan peıiline almatylyqtar da dán rıza boldy. Jármeńkeni aralap kórgen Almaty qalasynyń ákimi Ahmetjan Esimov «Mundaı jármeńkeler qalanyń saýda oryndarynda básekelestik týdyryp, baǵany turaqtandyrýǵa yqpal etedi. Jambyldyqtarǵa qala turǵyndarynyń jáne óz atymnan alǵys aıtqym keledi», dep rızashylyǵyn bildirdi.
Bul kúni buǵan deıin saýda núktelerinde 80-100 teńgeden satylǵan kartop 70 teńgege, quny 160 teńgege deıin kóterilgen sábiz baǵasy 70 teńgeden saýdalandy. Et ónimderi de edáýir arzan.
Almatynyń bazarlarynda 1500 teńgeden satylyp jatqan jylqy etiniń baǵasy bul kúni 1200 teńgege deıin tómendedi. Qanttyń kılosy 140, sary maıdyń kılosy 1000, qaımaq 700 teńgege turaqtady. Osydan bolar jármeńkege jınalǵan halyqtyń qarasy qalyń boldy. «Astana» alańyna jambyldyq kásipkerler tikken 52 saýda núktesinde kúni boıy saýda qyz-qyz qaınap jatty.
Oralhan DÁÝIT,
«Egemen Qazaqstan».
Sýretterdi túsirgen
Aqádil RYSMAHAN.
– Jármeńkede Almaty qalasynyń turǵyndaryna shamamen 226 tonna aýyl sharýashylyǵy taýary satyldy, – deıdi Jambyl oblystyq aýyl sharýashylyǵy basqarmasynyń bastyǵy Abdaly Nuralıev. – Atap aıtqanda 35 mln. teńgege 34 tonna et, 4 mln. teńgege 15 tonna sút ónimderi, 3 mln. teńgege 3 tonna shujyq ónimderi, 22 mln. teńgege 250 tonnadan astam kókónis-baqsha ónimderi saýdalandy. Odan bólek, oblysta óndiriletin basqa da aýyl sharýashylyǵy taýarlary – ara baly, qymyz, shubat, makaron ónimderi, ósimdik maıy, keptirilgen jemis-jıdekter bar. Jalpy, jármeńkege usynylǵan taýardyń quny 68,7 mln. teńgeni qurady.
Árıne, bul jármeńkeniń basty ereksheligi – taýar baǵalarynyń tómen, arzan bolǵandyǵy edi. Jambyl oblysynyń ákimi Kárim Kókirekbaevtyń aıtýyna qaraǵanda, jármeńkede 10 aýdannyń kásipkerleri óz taýarlaryn arzan baǵamen, tipti, óz qunynan 30-40 paıyzǵa deıin tómen saýdalaǵan. Jambyldyq aǵaıyndardyń bul jomarttyǵy men darqan peıiline almatylyqtar da dán rıza boldy. Jármeńkeni aralap kórgen Almaty qalasynyń ákimi Ahmetjan Esimov «Mundaı jármeńkeler qalanyń saýda oryndarynda básekelestik týdyryp, baǵany turaqtandyrýǵa yqpal etedi. Jambyldyqtarǵa qala turǵyndarynyń jáne óz atymnan alǵys aıtqym keledi», dep rızashylyǵyn bildirdi.
Bul kúni buǵan deıin saýda núktelerinde 80-100 teńgeden satylǵan kartop 70 teńgege, quny 160 teńgege deıin kóterilgen sábiz baǵasy 70 teńgeden saýdalandy. Et ónimderi de edáýir arzan.
Almatynyń bazarlarynda 1500 teńgeden satylyp jatqan jylqy etiniń baǵasy bul kúni 1200 teńgege deıin tómendedi. Qanttyń kılosy 140, sary maıdyń kılosy 1000, qaımaq 700 teńgege turaqtady. Osydan bolar jármeńkege jınalǵan halyqtyń qarasy qalyń boldy. «Astana» alańyna jambyldyq kásipkerler tikken 52 saýda núktesinde kúni boıy saýda qyz-qyz qaınap jatty.
Oralhan DÁÝIT,
«Egemen Qazaqstan».
Sýretterdi túsirgen
Aqádil RYSMAHAN.
