Úzilmegen ǵasyrlar úmit ánim,
Zar zamandy men qalaı umytamyn...
Soltústiktiń sýyǵyn endi mine,
Táýelsizdik otymen jylytamyn!
Júrekterde qaldy ǵoı syzdap eles...
Muzbalaqtar asady muzda beles!..
Bostan eldiń borany kúsh beredi – Jeltoqsannyń baıaǵy yzǵary emes!..
Dúbirimen dúldúldiń jarys kórgen, Shabytynyń biri edim shabysqa ergen.
Azat býyn aqyny qalaı qalar, Qazaq týyn kótergen Namysty erden!
Iri el bolý úshin de irgemiz keń, Kúter úles halqymyz kúnde bizden.
Aq jol tilep alystan men de keldim, Arystary Alashtyń júrgen izben!..
Tereńine ótkenniń batsań myń kún, Keleshekte – ordasy baqshań gúldiń.
Kenesary kóshesin kesip ótip, Abylaı men Abaıǵa at shaldyrdym!..
Erkindiktiń Esilde aıt óleńin, Juldyzdy tún syr ashsa, qaıter ediń?..
Oıyń menen boıyńdy túzetedi, Temirqazyq jerdegi – Báıteregim!
Ulttyq sana uǵym bol sanatty erge, Naıza bolsyn namysy qanatty elge.
Qyspaǵynda zamannyń qııaǵa ushar, Qaraótkelim aınalsyn dara ótkelge...
Babalarym, bahadúr, ótkir ediń, Ańsap kúnim Azattyq ótti meniń...
Kók baıraqty kórgende Aqordadan, Kókke máńgi órlesin dep tiledim!
Qazybek ISA.
