«Qazirgi tańda elektr stansııalarynyń óndirýshi jabdyqtarynyń 55,5%-y 30 jyldan, 5,8%-y 21-30 jyldan, 13,1%-y 11-20 jyldan, 18,2%-y 5-10 jyldan jáne 7,4%-y 5 jyldan asqan. Elektr jelileriniń kóp bóligi 1970 jyldary salynǵan. Elimizde elektr jelileriniń tozý deńgeıi orta eseppen 66% quraıdy. Osynyń saldarynan tasymaldaý kezinde elektr energııasynyń 6-7% joǵalady. Energetıka sektorynyń otyn-energetıkalyq resýrstardy tıimsiz paıdalanýynan basqa, joǵaryda atalǵan problemalar Qazaqstannyń energetıkalyq júıesiniń jumys isteý senimdiligin tómendetedi jáne birinshi kezekte eldiń energetıkalyq qaýipsizdigine jáne ekonomıkanyń turaqtylyǵyna áser etedi», delingen qujatta.
Mınıstrlik ókilderi atap ótkendeı, qazir energetıkalyq keshenderdiń negizgi bólikterin jóndeý men jabdyqtardy jańǵyrtý múmkindigi joq. Buǵan tómen tarıfter sebep bolyp otyr.
