Oqıǵa saldarynan kúıik alǵan er adam aýrýhanaǵa jetkizildi. Oblystyq densaýlyq saqtaý basqarmasy usynǵan aqparatqa sáıkes, er adam №1 qalalyq aýrýhanaǵa jatqyzyldy. Dárigerler onyń jaǵdaıy óte aýyr ekenin, denesiniń 65 paıyzyn kúıik shalǵanyn habarlady.
Áleýmettik jelide eki turǵyn ózderin benzınmen órtep jibergeni beınelengen vıdeo paıda boldy. Vıdeo avtorynyń aıtýynsha, olar bul áreketti polısııa qyzmetkerleri qysym kórsetkendikten jasaǵan.
Pavlodar oblystyq polısııa basqarmasy bul faktini rastap, oqıǵaǵa qatysty túsinikteme berdi.
«Buǵan deıin er adam Pavlodar turǵynynan aqsha bopsalady degen kúdikke ilingen. О́z-ózine qol jumsaý faktisine qatysty QR QK 105-baby 1-bóligi boıynsha sotqa deıingi tergeý bastaldy», dedi oblystyq polısııa departamentiniń ókilderi.
