Senatorlar sapar barysynda ortalyqtyń jumysymen, sondaı-aq jumysqa ornalastyrý salasyndaǵy sıfrlyq eńbek deldaly men qyzmetter kórsetýdiń onlaın-platformasymen tanysty. Depýtattar daǵdylarǵa onlaın oqytý, kásipkerlik bastamasyn qoldaý jáne onlaın-jumysqa ornalastyrý prosesin uıymdastyrý máselelerine qatysty birqatar máselelerdi sarapshylarmen birge talqylady.
Ortalyq ókilderi kezdesetin problemalar týraly senatorlarǵa aıtyp berdi, sondaı-aq olardyń sheshimderi boıynsha óz oılarymen bólisti. Depýtattarǵa sondaı-aq Qlik Sense, «Otbasynyń sıfrlyq kartasy», «Elektrondyq eńbek bırjasy», Enbek.kz, Business.Enbek jáne basqa da platformalardyń jumysy da tanystyryldy.
Aıta ketsek, bul kezdesý Senatta «Mektepke deıingi bilim berýdiń qoljetimdiligin arttyrý, sapaly orta bilim berýdi qamtamasyz etý, joǵary jáne kásiptik-tehnıkalyq bilim berýdiń damý úrdisteri» taqyryby boıynsha ótetin dóńgelek ústelge daıyndyq aıasynda boldy. Senatorlar osy sapardyń qorytyndysy josparlanǵan dóńgelek ústel barysynda ǵana emes, Senat depýtattarynyń zań shyǵarý qyzmetinde de keńinen talqylanatynyn atap ótti.
