Aqparat jáne qoǵamdyq damý mınıstrligi Din isteri komıtetiniń arnaıy jobasy aıasynda bıylǵy jyldyń 24-28 sáýir aralyǵynda Aqmola oblysynda din máseleleri jónindegi respýblıkalyq aqparattyq-túsindirý tobynyń (RATT) mamandary qatysýymen dinı ekstremızmniń taralýyn aldyn alýǵa baǵyttalǵan semınar jáne ártúrli formattaǵy is-sharalar uıymdastyrý sheńberinde óńir turǵyndarymen birqatar kezdesý ótti.
Atalǵan kezdesýlerge RATT múshelerinen (teologtar, dintanýshylar, psıhologtar) – M.A.Smaǵulov, L.S. Shakımova, J.S. Raqymberdıev, D.Q. Bataeva qatysty.
RATT músheleriniń qatysýymen Aqmola oblysy, Atbasar, Kókshetaý, Stepnogorsk qalalarynyń QAJD qarasty №1, №7, №4, №5 túzeý mekemelerinde jazasyn óteýshi dindar azamattary, Birjan sal jáne Bulandy aýdandaryq qus fabrıkasynyń jumysshylary, sonymen qatar atalǵan óńirlerdiń aýdandyq ákimdikteriniń ATT músheleri, Atbasar qalasy Agrarlyq-ındýstrıaldy kolledji, «Mamandandyrylǵan balalar jáne jasóspirimder sport mektebi» KMM, Shoqan Ýálıhanov atyndaǵy Kókshetaý ýnıversıteti, Kókshetaý Joǵary medısınalyq kolledji, «Stepnogorsk qalasy, Taý-Ken Tehnıkalyq Kolledji» MKQK jáne t.b. oqý oryndarynyń oqýshylary, stýdentteri, oqytýshylary, psıhologtary, jattyqtyrýshylary, «Naýan Hazret» ortalyq meshitiniń jamaǵattary arasynda semınarlar men kezdesýler ótti.
Atalǵan is-sharalarda óńirlerdiń turǵyndaryna Qazaqstan halqynyń mádenıeti men rýhanı murasyna, destrýktıvti jalǵan dinı jáne radıkaldy ıdeıalardyń zııandylyǵyna baǵyttalǵan din salasyndaǵy memlekettik saıasattyń máni týraly aqparattar berildi.
Tyńdaýshylar tarapynan da RATT múshelerine suraqtar qoıylyp, saýaldarǵa tujyrymdy jaýaptar alyndy.
