2023 jyldyń birinshi toqsanynda múmkindigi shekteýli jandar ınternet arqyly jolaýshylar poıyzdaryna 100 myńnan astam jeńildikti bılet satyp aldy.
Elektrondyq bıletti satyp alýdyń joly op-ońaı. Interneti bar qurylǵyǵa otyryp bilet.railways.kz saıty arqyly satyp alýǵa bolady. Ony resimdeý úshin jolaýshy tólqujat derekterin, JSN, múgedektik týraly anyqtama nómirin jáne eGov mobile-dan alynǵan alty tańbaly áleýmettik ID kodyn kórsete otyryp tirkelýi qajet.
Jeńildikti bılet satyp alýǵa qamdansańyz, málimetterińizdiń barlyǵyn tekserý avtomatty túrde júrgiziledi. Derekterdi onlaın rejimde teksergennen keıin satý júıesi tańdalǵan orynǵa tómen baǵa jeńildigin qoldanýǵa múmkindik beredi. Erekshe qajettilikteri bar adamdar úshin áleýmettik mańyzy bar marshrýttar boıynsha jol júrý bıletiniń qunynan 50% jeńildik, «Talgonyń» kommersııalyq marshrýttary boıynsha mamandandyrylǵan kýpelerge (erekshe qajettilikteri bar jolaýshy men ilesip júretin adam úshin) 70% jeńildik kózdelgen.
Jeńildikti jol júrý qujattaryn resimdeý rásimin jeńildetý úshin QTJ Eńbek mınıstrliginiń «Áleýmettik kómek» avtomattandyrylǵan aqparattyq júıesimen ıntegrasııalaý boıynsha jumystar júrgizýde. Osydan keıin jolaýshy tek JSN kórsete otyryp, jeńildikti bıletterdi rásimdeı alady.
Ulttyq tasymaldaýshy poıyzdaryna múgedekter men olarǵa ilesip júretin adamdarǵa arnalǵan oryndary bar mamandandyrylǵan vagondar engizýde. «Jolaýshylar tasymaly» AQ parkinde erekshe jolaýshylardyń qajettilikterine jaýap beretin 80 kýpe vagony bar. Onyń 20-sy – Talgo vagondary.
2025 jylǵa qaraı áleýmettik mańyzy bar marshrýttar qozǵalýy nashar adamdar úshin yńǵaıly vagondarmen tolyq qamtamasyz etilý josparlanýda. Onyń kommersııalyq poıyzdar quramyndaǵy úlesi – shamamen 90%. 2023 jyldyń sońyna deıin 13 vagonda erekshe adamdardy tasymaldaý úshin bir-bir kýpe qaıta jabdyqtalady. 2030 jylǵa deıin múmkindigi shekteýli jandardyń jaıly sapary úshin kýpesi bar 46 vagon satyp alý josparlanyp otyr.
Onymen qosa, múmkindigi shekteýli jandar poıyz bıletin tikeleı vokzal kassalary arqyly da satyp ala alady.
