ASTANA. 12 shilde. Almatyda AllurAuto kompanııasy taǵy bir jol talǵamaıtyn kóliktiń tusaýyn resmı túrde kesti. Bul týraly «QazAqparat» habarlady.
Janarmaı qozǵaltqyshynyń kólemi 2.3, qýaty 150 at kúshine teń jańa kóliktiń quny 23 700 AQSh dollarynan, 28 300 AQSh dollary aralyǵynda.
SsangYong Nomad dep atalatyn avtokólik lısenzııaly Mersedes-Bens qozǵaltqyshymen, zamanaýı qaýipsizdik júıesimen jabdyqtalǵan.
Qazaqstan avtobıznes qaýymdastyǵynyń tóraǵasy Andreı Lavrentevtiń aıtýynsha, bıyl osy kóliktiń 2400 danasyn jasap shyǵarý kózdelip otyr. Bul san naryqtaǵy ahýal men suranysqa negizdelgen.
Andreı Lavrentev: «Qazirgi tańda zaýytta osy jeli boıynsha 600 maman jumys isteıdi. Al 2017 jylǵa deıin qyzmetkerler sany 2000 adamǵa deıin artady dep josparlanýda», – dedi.
SsangYong Nomad – elimizde usaq torapty tásilmen ári 30 paıyzdyq tuıyqtaý arqyly óndirilgen alǵashqy joba.
Qostanaı zaýytynyń basqarma tóraǵasy Alekseı Sıdorenko: «2018 jylǵa qaraı Keden odaǵy sheńberinde bólshek óndirisiniń artýyna baılanysty tuıyqtaýdy 50 paıyzǵa jetkizýdi josparlap otyrmyz», – dedi.
AllurAuto kompanııasy atalǵan kólikterdi 2015 jyly Reseı, Ázerbaıjan, Belarýs elderine eksporttaýdy josparlap otyr.
A.Lavrentev: «Osydan tórt jyl buryn elimizde álemdik brendterdi tartýǵa múmkindik beretin avtokólik ındýstrııasynyń damýyna ekiniń biri sene bermeıtin. Búginde Qazaqstannyń jańa ındýstrıaldy damý kóshiniń qarsańynda turǵandyǵyna ózimiz kýá bolyp otyrmyz. SsangYong Nomad – bul tek alǵashqy qadam. Alda bizdi jarqyn bolashaq kútip tur», – dedi.
Joldybaı Bazar.
Derekkóz: «QazAqparat».
Foto: «QazAqparat».
