Bloger oqyrmandarymen bólisken vıdeoda Mańǵystaý oblysynda júrgenin jáne onyń kóz aldynda Torysh alqabynda adamdar erekshe tastardy júk kóligine tıep jatqanyn aıtqan edi.
Bul vıdeo halyq arasynda úlken rezonans týdyrdy. Osy oraıda oblystyq polısııa departamenti de pikir bildirdi.
«Áleýmettik jelige monıtorıng júrgizý kezinde «sharlar alqabynda» túsirilgen vıdeo tekserildi. Polıseıler júrgizýshiniń kim ekenin anyqtady. Zańbuzýshylarmen profılaktıkalyq áńgime júrgizildi. Tastar ornyna qaıtaryldy», dedi PD baspasóz qyzmetiniń ókilderi.
Torysh (Torys) alqaby Batys Qarataý taýlarynyń soltústik shetinde, ıaǵnı Mańǵystaý oblysynyń Altynqazǵan jerinde, Aqtaý qalasynan júz shaqyrym jerde ornalasqan.
Aıta ketsek, «sharlar alqabynyń» qupııasy óte kóp. Atalmysh jerde dóńgelek tastardyń qaıdan paıda bolǵany týraly naqty derek joq. Dese de, jumbaq tastardyń paıda bolýy týraly birneshe nusqa bar. Olardyń ǵylymı ataýy - konkresııalar. Zertteýshilerdiń sózinshe, bul tastardyń ishinde hımııalyq kestedegi barlyq element bolýy múmkin.
