Kezek kúttirmeıtin másele

Ulttyq ekonomıka mınıstri Álibek Qýantyrov Prezıdent tapsyrmasy bo­ıynsha ázirlengen «Tarıfti ınvestısııa­ǵa aıyrbastaý» baǵdar­l­a­ma­syn engizý arqyly respýblıka boıyn­sha elektr, jylý, sýmen jab­dyqtaý jáne sý tartý jelileriniń tozýyn orta eseppen 20%-ǵa tómen­detý jos­par­­lanyp otyrǵanyn baıandady. Bul aza­mat­­tar­ǵa kórsetiletin qyzmetterdiń sapa­syn jaqsartýǵa jáne apat­tyq jaǵ­daı­­lar sanyn azaıtýǵa múmkindik beredi.

Ol úshin 145 myń shaqyrym­nan astam ınjenerlik jelilerdi jóndeý qajet. Osyǵan baılanys­ty bıyl óńirlerdegi áleýmettik-ekono­mıkalyq jaǵdaıdy eskere otyryp, TKSh qyzmetteri tarıf­terin kezeń-kezeńmen ózgertý kózdelip otyr. Nátıjesinde, osy jyl­dyń ózinde 5 myń shaqyrym­nan astam ınjenerlik jelilerdi jóndeý jáne TKSh salasy qyz­met­kerleriniń jalaqysyn arttyrý josparlanýda.

Indýstrııa jáne ınfra­qury­lymdyq damý mınıstri Marat Qarabaevtyń aıtýynsha, áleý­mettik jaǵynan az qamtylǵan aza­mattardyń kommýnaldyq qyz­metterge shyǵyndaryn azaıtý úshin olardy memleket tarapy­nan kórsetiletin turǵyn úı kó­megi aıasynda ishinara óteý kóz­del­gen. О́tken jyldyń sońynda óte­m­aqy mólsheri men ony alýǵa úmitkerlerdiń qataryn ul­ǵaı­týdy kózdeıtin ózgerister engizil­di. 2023 jyldyń I toqsanynyń qorytyndysy boıynsha 17 myń otbasyǵa 372 mln teńgeden astam turǵyn úı kómegi kórsetildi.

Energetıka mınıstri Almasa­dam Sátqalıev Dúnıejúzilik bank jáne KPMG halyqara­lyq kompanııa­sy­­men bir­lesip, respýblıkanyń 56 jylý elektr stan­sasyna tehnıkalyq aýdıt júr­gizilgenin baıandady. Onyń qo­­­­ry­­­­tyndysy boıynsha stan­salar­­dyń tehnıkalyq jaı-kúıi men negiz­gi teh­nıkalyq-ekono­mıkalyq kórset­kishter reıtıngi jasaldy. Osy aıdyń sońyna qaraı kúrdeli jóndeý jónindegi is-sharalar josparyn qamtıtyn keshendi esep daıyn bolmaq.

О́ńirlerde júrip jatqan TKSh ınfraqurylymyn jón­deý jumystary týraly Qosta­naı oblysynyń ákimi Qumar Aqsa­qalov, Qaraǵandy obly­synyń ákimi Ermaǵanbet Bólekpaev, Aqmola oblysynyń ákimi Ermek Marjyqpaev baıandama jasady.

Premer-mınıstr Memleket basshysy saladaǵy kúrdeli prob­lemalardy eskere otyryp, eldiń tirshilik kózine qajetti barlyq júıeni jańǵyrtýǵa jáne kúrdeli jóndeýge baǵyttalǵan «Tarıfti ınvestısııaǵa aıyrbas­taý» baǵ­darlamasyn iske asyrýdy tapsyr­ǵanyn aıtyp ótti.

«Ol úshin biz zańnamalyq túze­týlerdi, normatıvtik-quqyq­tyq aktilerdi qabyldadyq. Buǵan deıin tabıǵı monopolııalar sýbektileriniń ınvestısııalyq baǵdarlamalary men tarıfterin túzete almaı kelgen edik. Endi oǵan múmkindik týyp otyr»,  dedi Álıhan Smaıylov.

Oǵan qosa Úkimet basshysy kommý­nal­dyq kásiporyndar tarıfti túzetý jáne jańǵyrtý úderisin bastaý úshin qajetti qujattamany baıaý daıyndap jatqanyn atap ótti.

«Bul úderisti sozbalańǵa salýǵa bolmaıdy. Jeliler men stansalardy kúrdeli jón­deý jumystaryn jedel bas­taý ma­ńyzdy. Bul – kezek kúttir­meıtin mindet. Ásirese, bul – qurylys maýsymy qysqa jáne jylý berý kezeńi erte bas­talatyn soltústik óńirler úshin ózekti másele», dedi Premer-mınıstr.

Úkimet basshysy qa­lyptas­qan jaǵdaıdy Ulttyq ekonomıka mınıstrligi tarapynan ketken olqylyq dep atap ótti. Osyǵan baılanysty Álıhan Smaıylov vedomstvo basshysy Álibek Qýantyrov­qa eskertý jasap, úılestirý jumystarynyń tómen deńgeıde júrgizilgeni úshin Tabıǵı monopolııalardy retteý komıtetiniń tóraǵasy Asan Darbaevqa sógis jarııa­lady.

«Kommýnaldyq qyzmetterdiń sapasyna qatysty Prezıdenttiń jáne halyqtyń tarapynan oryndy syn estip kelemiz. Aldymyzdaǵy jylytý maýsymynda ótken qysta oryn alǵan tótenshe jaǵdaılarǵa jol bermeý kerek. Suranys qatań bolmaq», dedi Álıhan Smaıylov.

Premer-mınıstr ınfra­qury­lym­dy jańǵyrtý maq­satynda kommýnaldyq kásip­oryndardyń tarıfti túzetý boıynsha bergen ótinimderin jedel engizýdi, jóndeý jumystaryn júrgizý úshin maýsym aıynyń sońyna deıin jylý jelilerine tehnı­kalyq tekserý júrgizýdi aıaqtaýdy, sondaı-aq 2024 jylǵa josparlanǵan qurylys-montaj jumystary boıynsha jobalaý-smetalyq qujattamany jyl sońyna deıin ázirleýdi tapsyrdy.