Mýzeı qonaqtaryn jańa kórmeler, teatrlandyrylǵan ekskýrssııalar, oıyn-kvestter, túrli tanymdyq sheberlik sabaqtar men ǵylymı dárister, kitap pen qolóner jármeńkeleri, konserttik baǵdarlama qýantady.
Atalǵan aksııa E. Rahmadıev atyndaǵy Memlekettik akademııalyq fılarmonııasy «Qorqyt» etno-folklorlyq ansambliniń qazaq ulttyq aspaptarynda oınaǵan áýenderimen bastaldy. Jınalǵan jurt ansambl ónerin tamashalap, sazdy kúı men ásem áýenge tánti boldy.
«Mýzeıler túni» aksııasynyń saltanatty ashylýynda Mádenıet jáne sport mınıstri Ashat Oralov sóz sóıledi. Ol mýzeı qyzmetkerlerin marapattap, halyqty mýzeıdi kórýge jıi kelýge shaqyrdy.
Sonymen qatar tanymal tarıhshylar, ónertanýshylar men medıa salasynyń maıtalmandary «Juldyzdy gıd» jobasy arqyly mýzeı zaldary boıynsha ekskýrsııa júrgizip jatyr.
Arýjan NAǴAShYBAI,
EUÝ stýdenti
