Shabaqtan – alyp balyqqa, jobadan – alyp qýatqa

Bekire balyǵyn ósi­rý­men aınalysatyn ferma – elimizdiń údemeli ındýs­trııalyq-ınnovasııalyq baǵdarlamasynyń jemisi. Memlekettiń qoldaýyna se­nip-súıengen jeke kásipker Tursyngúl Jaqypova jeńil­detilgen nesıe alyp, túbekte tuńǵysh bekire ósiretin kásiporyn ashýǵa bel býypty. Joba biraz pysyqtalyp, qurylys jumystary 4 jyl boıy júrgen, aldyn ala mamandary oqyp, tájirıbeden ótken kásiporynda Reseıdegi jáne Atyraýdaǵy bekire zaýyttarynan ákelingen 3,5 myńdaı shabaqtar arnaıy ja­salǵan akvarıýmdarǵa jiberildi. Shabaqtardyń eń kishisiniń salmaǵy 5 gramdy quraıdy. Kúnine tańǵy saǵat 6-dan bastap túngi 12-ge deıin balyqtardyń kólemine qaraı laıyqty shamada 10 ret tamaqtandyrylatyn kásiporyndaǵy kútim men bap kelisse shabaqtar endi eki jyldan keıin salmaǵy 3 kılo bolatyn iri balyqqa aınalady. Baptyń kelisip, búgingi shabaqtardyń erteń-aq iri balyqqa aınalatyndyǵyna kásiporynnyń ozyq úlgidegi quraldarmen jabdyqtalýy sendirse, laıyqty kútimniń bolýyna balyqtardy jemdep, baptap-ósirý jaı-japsaryn irgeli kásiporyndarǵa baryp arnaıy oqyp kelgen mamandar jaýapkershiligi úmittendiredi. Jańa fermada 25 aýyl turǵyny jumysqa tar­tylǵan. О́ńirdegi balyq sharýa­shy­lyǵyn da­mytýǵa jasalǵan alǵashqy qadamǵa arnaıy kelisim-shart negizinde reseılik jáne otandyq ǵalymdar kómek pen keńes berýde. «Jol kartasy» baǵdarlamasy aıasynda ınjenerlik ınfraqurylymyn júrgizip, gaz ben tok tartýǵa, sondaı-aq jol máselesin sheshýge memleket tarapynan kómekter berilgen. Quny 582 mıllıon teńge turatyn joba qýatyna engen soń, jylyna 60 tonnadaı balyq eti men 8 tonna qara ýyldyryq beredi dep kózdelýde. Mamandardyń aıtýynsha, bir kılolyq balyqtar bir jyldan soń, al ýaq shabaqtar eki jyldan keıin ónim bere bastaıdy. Al, qara ýyldyryq 4 jyldan keıin alynady. Sý janýaryn qolda ósirý ońaı emes, alaıda is aıaqtan turyp jatsa, bekire tuqymdas balyqtyń birneshe túrin ósirý, sol arqyly ónim kólemin arttyryp, otandyq ónimdi ishki naryqqa shyǵaryp qana qoımaı, Eýrazııalyq ekonomıkalyq odaq aıasynda ózge elderge satý josparlanǵan. – Elbasynyń bastamasymen qolǵa alynǵan údemeli ındýstrııalyq-ınnovasııalyq damý baǵdarlamasy úlken sharýalarǵa qozǵaý salyp, tyń jobalardyń tusaýyn kesti. Elimizde qanshama jańa kásiporyndar iske qosylyp, otandyq ónim óndirýge óz úlesterin qosýda. Qazir eńbek etemin, óz kásibimdi júrgizemin degen talap ıelerine jol ashyq. Memleket tarapynan júıeli jumys baǵdarlamalary jıi usynylyp, kómekter berilýde. Men osy múmkindikti paıdalanýshylardyń birimin, – deıdi kásiporyn basshysy T.Jaqypova. Tolyq qýatynda jumys isteýge saqadaı saı turǵan kásiporynnyń ónim­derine dúkender men meıramhanalardan suranys qazirden bastap túsýde. Demek, shabaqtar alyp balyqqa aınalyp, joba alyp qýatqa enetin kún alys emes. Gúlaıym ShYNTEMIRQYZY, «Egemen Qazaqstan». Mańǵystaý oblysy.