Eske sala keteıik, 22 mamyrda saǵat 15:25-te Abaı oblysynyń Borodýlıha aýdanynda Aýyl stansııasynan 7 km qashyqtyqta qurǵaq shóp tutanyp, keıinnen «Semeı Ormany» rezervaty aýmaǵyna kóshti. О́rttiń jalpy aýmaǵy - 1500 ga.
Orman sharýashylyǵy jáne janýarlar dúnıesi komıteti habarlaǵandaı, búgin jalyn sharpyǵan aýmaq ústinen 5 tikushaq sý shashyp júr.
Tótenshe jaǵdaılar mınıstrliginiń málimetinshe, órtti sóndirýge barlyǵy 434 adam, 109 birlik tehnıka men órt sóndirý poıyzy jumyldyrylǵan.
Orman órti eki oshaqqa bólindi – Reseı shekarasy boıymen shyǵys baǵytta jáne shekaradan Borodýlıha aýdany Ivanovka aýylyna qaraı ishki baǵytta.
«Eldi mekenderge tóngen qaýipke baılanysty Berezovka shıpajaıy men Berezovka podhozynan 277 adam óz betinshe týystaryna evakýasııalandy», dep tolyqtyrdy TJM baspasóz qyzmeti.
