Án áleminiń korıfeıine arnalǵan is-sharada belgili ánshiler kompozıtordyń shyǵarmalaryn oryndap, óner ıesine qurmet kórsetti.
Altynbek Qorazbaevtyń shyǵarmashylyǵyna arnalǵan kesh aıasynda «Án-jyrym saǵan, týǵan el!» atty III halyqaralyq estradalyq ánshiler baıqaýy ótti. Oblys ákimdiginiń qoldaýymen uıymdastyrylǵan baıqaýǵa jıyrmaǵa jýyq jas ónerpaz qatysty.
Baıqaý qorytyndysynda áýlıeatalyq jas talant Dýlat Jasuzaq bas júlde ıegeri atansa, shýlyq Erbosyn Qasymbek birinshi orynǵa laıyq dep tanyldy. Jer jannaty Jetisý jerinen kelgen «Bravo» dýetine ekinshi oryn buıyrsa, mańǵystaýlyq Azamat Amangeldiuly úzdik úshtikti túıindedi.
О́ńir basshysy Nurjan Nurjigitov halyqtyń qurmetine bólengen kompozıtordy mereıtoıymen quttyqtap, izgi tilegin arnady.
«Qasiretten qan jutqan qara shaldyń sherin tarqatyp, qara kempirdiń zaryn jetkizgen sizdiń ónerińizge halyq áldeqashan joǵary baǵasyn berip qoıǵan. Týǵan jerińizde de eseli eńbek etip, jerlesterińizdiń yqylasyna bólendińiz. Sizdiń ánderińiz qaı kezde de jurttyń jadynda saqtalatyny daýsyz. О́ner bıigine shyqqan ózińizdeı tulǵamen qashanda maqtanamyz. Jas urpaqqa bererińiz áli de kóp ekeni aqıqat. Eldiń yqylasyna bólenip, aman júrińiz», dedi N.Nurjigitov.
TARAZ
