Jazǵy demalysqa daıyndyq qalaı?

Oblystyq adamı áleýetti da­mytý basqarmasynyń málime­tinshe, qala syrtyndaǵy lagerler maýsym aıynyń birinshi onkúndiginde ashylyp, jaz boıy 6-8 aýysymda qyzmet kórsetedi. Sondaı-aq mektep janyndaǵy bir mezgil tamaqpen qamtıtyn 330 lager ashylady. Oqýshylardy eńbekke baýlý maqsatynda jaz mezgilinde 110 myńǵa jýyq bala kórkeıtý, kógaldandyrý, qu­rylys brıgadalary men mektep ormanshylyǵynyń jumysyna qatysady. О́ńirde 17 jaz­ǵy sa­­ýyqtyrý lagerleri qyz­met kór­­setedi dep josparlaný­da. Keıingi 10 jyldan astam ýa­qyt jóndeý jumystarynan ót­ki­zilmegen memlekettik jaz­ǵy sa­ýyqtyrý lagerleri de bar­shylyq. Talapqa saı kelmeıtin demalys aımaqtaryn retke kel­tirýge oblystyq bıýdjet ese­bi­nen tıisti qarjy qaralmaq. Taý­ly aımaqtarda ornalasqan mem­leket menshigindegi jazǵy saýyqtyrý ortalyqtaryn retke keltirý de – kún tártibindegi másele. Bul oraıda oblys ákimi tıisti mekemelerge memlekettik jáne je­kemenshik jazǵy saýyqtyrý l­agerlerinde qaýipsizdik sharalaryn qamtamasyz etýdi, sanıtarlyq talapqa sáıkes keltirýdi jáne balalardyń qaýipsizdigin qam­tamasyz etý jumystaryn qatań ba­qylaýǵa alýdy júktedi.

«Jazǵy saýyqtyrý lagerle­rinde sport alańdaryn, balalardy damytý orta­lyqtaryn jabdyqtaý, son­daı-aq mádenı is-sharalardy uıymdastyrý boıynsha sharalardy arttyrý kerek. Áleýmettik osal top­tardan shyqqan balalardy sa­­ýyqtyrýmen, jazǵy de­ma­lys­pen barynsha qamtýdy qam­tamasyz etý qajet. Bul ju­mys­qa iri kásiporyndardy, bıznes ókilderin tartqan jón. Bala­lardyń qaýipsizdigin qamtamasyz etý – bizdiń basty mindetimiz. Osyǵan oraı barlyq lagerge polısııa qyzmetkerlerin bekitip, táýlik boıy kezekshilik uıym­dastyryp, qaýipsizdik sharalaryn qatań júrgizýdi tapsyramyn. Memlekettik jáne jekemenshik jazǵy saýyqtyrý lagerlerinde qaýipsizdik sharalary qamtamasyz etilip, jazǵy saýyqtyrý lager­lerin sanıtarlyq talapqa sáıkes keltirý qajet», dedi oblys ákimi Darhan Satybaldy.

Oblystyq polısııa departa­menti basshysynyń birinshi orynbasary Baǵlanbek Aıtpaevtyń málimdeýinshe, oqý­shy­lardy tasymaldaıtyn av­tobýstar mindetti túrde pa­trýl­­dik polısııanyń arnaıy avto­­kólikterimen ilese júredi. Bala­lardy polısııasyz tasymaldaýǵa tyıym salynady. Balalardyń jazǵy demalý kezeńinde polısııa qyzmetkerleri lagerlerge bekitilip, qaýipsizdik sharalaryn qabyldaý úshin lager aýmaǵynda táýlik boıy ke­zekshilikke túsedi.

Sondaı-aq óńirde jazǵy sho­mylý maýsymynda ózen-kól­der men sý aıdyndarynda, basseınderde qaýipsizdik sharalary kú­sheı­tiledi. Túrkistan ob­lysy tó­tenshe jaǵdaılar depar­ta­mentiniń bastyǵy Nurǵalı Júni­sovtiń aıtýynsha, jyl basynan beri oblys aýmaǵynda 20 adam sýǵa ketken. Onyń 15-i – ata-ana qa­raýynsyz qalǵan jas balalar. Oblysta jalpy 4 334 sý nysany: 42 sý qoımasy, 149 iri jáne kishi ózender, 25 kól, 2 870 kanal jáne 1 248 qashyrtqy bar. Osyǵan baı­lanysty sý aıdyndaryndaǵy qaýipsizdikti qamtamasyz etý jos­­pary bekitilip, baqylaýǵa alynǵan. Qazirgi tańda óńirde 11 kommý­naldyq jaǵajaı ashý oryn­dary bel­gilengen, 111 sho­mylýǵa qa­ýipti ýchaske tirkelip, onda 370 dana shomylýǵa tyıy­m salý bel­gileri ornatylǵan. Ma­mandar arnaıy shomylatyn oryndary joq aýdandarda modýldi-kar­kasty basseınder ornalastyrylyp, balalardyń tegin jáne qaýipsiz shomylýy­na múmkindikter jasalýy da sýdaǵy qaıǵyly jaǵ­daı­lardy tó­mendetýge septigin tıgizgenin aıtýda. Jalpy, 12 mln teńgeden astam qarjyǵa 43 karkasty basseın satyp alynǵan. Ob­lys­taǵy 85 basseınniń 33-i je­kemen­shik. Byltyr basseıni bar ká­sip­ker­lermen memorandým túzilip, áleýmettik turmysy tómen jáne kópbalaly otbasylar­dan 5 myńǵa jýyq bala aqysyz sho­mylǵan. Sýdaǵy qaýipsizdik boıyn­sha úgit-nasıhat jumystary qar­qyndy júrgizilip jatyr.

Túrkistan oblysy