Bastapqy kezeńde órtti joıý úshin ortalyq memlekettik jáne jergilikti atqarýshy organdardyń ókilderinen, 434 adamnan, 109 birlik tehnıka, 2 áýe kemesi jáne 1 órt sóndirý poezynan turatyn azamattyq qorǵaýdyń memlekettik júıesiniń kúshteri men quraldary toptamasy quryldy.
«Jedel jaǵdaıdyń nasharlaýyna baılanysty, sizdiń tapsyrmańyz boıynsha Álıhan Ashanuly keshe Roman Vasılevıchtiń tóraǵalyǵymen respýblıkalyq jedel shtabtyń otyrysy ótti. Onda memlekettik organdarǵa tıisti mindetter qoıyldy. Ekologııa mınıstrligine órt sóndirý jetekshisi retinde kómektesý úshin Tótenshe jaǵdaılar jáne Qorǵanys mınıstrlikteriniń kúshteri men quraldary qosymsha jiberildi. Osylaısha búginde órtti sóndirýge Tótenshe jaǵdaılar, Ishki ister, Ekologııa jáne tabıǵı resýrstar mınıstrlikteri, Qazaqstan temir joly, jergilikti atqarýshy organdar jáne oblystyń kommýnaldyq qyzmetteriniń kúshteri men quraldary jumyldyryldy. 10 tikushaq jumyldyryldy, onyń ishinde 5-i – TJM, 3-i – QM, 2 birlik ETRM, Álıhan Ashanuly 4 áýe kemesi búgin tańerteń sizdiń tapsyrmańyz boıynsha órt ornyna keldi», dedi Tótenshe jaǵdaılar birinshi vıse-mınıstri Ibragım Kúlshimbaev.
10 tikushaqtyń 8-i sý aǵyzý, ekeýi barlaý jáne desanttardy jetkizý úshin qoldanylady. «Jaǵdaı baqylaýda. О́rtti oqshaýlaý jáne joıý boıynsha barlyq shara qabyldanyp jatyr», dedi ol.
