«Jezqazǵan – jeruıyǵym júrektegi»

Tyrnaqaldy óleńderi bu­rynǵy Jezqazǵan oblystyq «Jezqazǵan týy» gazetinde ja­ryq kórgen aqynnyń alǵashqy jyr jınaǵy 1988 jyly «Ja­nymnyń japyraqtary» degen atpen shyqqan edi.

Únemi shyǵarmashylyq ósý ústinde bolǵan Ǵ.Jaılybaı keıin jıyrma shaqty kitaptyń avtory atandy. 2014 jyly tańdamaly shyǵarmalarynyń 3 tomdyǵy, 2018 jyly tú­rik tilinde «Iаnkı» atty bir tom­dyǵy jaryq kórdi. Aqyn­nyń óleńderi men poema­la­ry álemniń 20-dan asa mem­leketinde basylyp shyqty. Qaraǵandy lageri týraly ja­zylǵan «Qara oramal» 2017 jyly poemasy Shvesııanyń Stokgolm qalasynda ótken VI «Oren Eurasian» ádebı baı­qaýynda úshinshi oryndy ıelendi.

Ǵ.Jaılybaı Halyqaralyq «Alash» syılyǵynyń, Reseı Jazýshylar odaǵynyń S.Ese­nın atyndaǵy altyn meda­liniń ıegeri. Ol Baıanaýyl jáne Jańaarqa aýdanynyń Qur­metti azamaty atanǵan.

Jezqazǵandaǵy Halyqtar dostyǵy men mádenıeti úıinde ótken keshte aqyndy Ulytaý oblysy ákiminiń orynbasary Ǵ.Qusmanǵalı quttyqtady, jyrsúıer eldiń atynan syı-sııapatyn tabystady.

Kesh barysynda aqyndar S.Rahmet, A.Ahmetbekov, S.Aq­­­­suńqaruly, B.Myrza­be­­kov, Ǵ.Esh­tanaev, M.Seıt­qa­zı­nov, A.Oraz aqjarma ti­­lek­terin arnaý jyrmen jet­­kizdi. Aqynnyń óleńde­rine jazylǵan ánder de shyr­qaldy.

Kesh ıesi jyly qushaǵyna alyp, keń peıilin tanytqan týǵan jerdiń halqyna shynaıy al­ǵysyn bildirdi, jyrdan sha­shý shashty.

Rejısser Temirjan Jan­­botaev sahnalaǵan «Qara oramal» spektakli eki kún qa­ta­ry­nan S.Qojamqulov atyn­daǵy Jez­qazǵan teatrynda qoıyldy.

Jezqazǵan